Boxingnews24.com پورتالىنىڭ تۇراقتى اۆتورلارىنىڭ ءبىرى دجەفف سوربي IBF جانە IBO تۇجىرىمدارى بويىنشا ورتا سالماقتاعى الەم چەمپيونى, وتانداسىمىز گەننادي گولوۆكين مەن WBA (super) بەلدىگىنىڭ يەگەرى, جاپونيالىق ريوتا مۋراتا اراسىنداعى جەكپە-جەكتىڭ جەرگىلىكتى بوكسشىنىڭ كاسىبي مانسابىنا قالاي اسەر ەتەتىنى تۋرالى ويىمەن ءبولىستى, دەپ حابارلايدى Egemen.kz Sports.kz-كە سىلتەمە جاساپ.
«35 جاستاعى ريوتا مۋراتا ەكى جىلدان استام ۋاقىتتان بەرى شارشى الاڭعا كوتەرىلگەن جوق. سوندىقتان ونىڭ بويىندا ءبىر جەكپە-جەككە عانا جەتەتىن كۇش قالدى دەپ ايتۋعا بولاتىن سەكىلدى. ال بۇل شايقاستا ول جەڭىلىستىڭ كەرمەك ءدامىن تاتسا, كاسىبي مانسابىن اياقتاي بەرۋىنە ابدەن بولادى. كەرىسىنشە سەنساتسيا اۆتورى اتانىپ, قازاقستاندىقتان ايلاسىن اسىرسا, جۇرت ونىڭ «كانەلومەن» كەزدەسكەنىن قالايتىنى داۋسىز. ويتكەنى مۇنداي جەكپە-جەك جانكۇيەرلەر ءۇشىن وتە قىزىقتى بولماق», دەيدى ول ءوز ويىن تۇيىندەپ.