سۋ تارتۋ قۇرىلىستارىنىڭ بالىق قورعاۋ قۇرىلعىلارىنا قويىلاتىن تالاپتارىن بەكىتۋ تۋرالى
2004 جىلعى 9 شىلدەدەگى قازاقستان رەسپۋبليكاسىنىڭ «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» زاڭىنىڭ 9 بابى 1-تارماعىنىڭ 29) تارماقشاسىنا سايكەس, بۇيىرامىن: 1. قوسا بەرىلىپ وتىرعان سۋ تارتۋ قۇرىلىستارىنىڭ بالىق قورعاۋ قۇرىلعىلارىنا قويىلاتىن تالاپتارى بەكىتىلسىن. 2. قازاقستان رەسپۋبليكاسىنىڭ قورشاعان ورتا جانە سۋ رەسۋرستارى مينيسترلىگى بالىق شارۋاشىلىعى كوميتەتى زاڭنامادا بەلگىلەنگەن تارتىپتە قامتاماسىز ەتسىن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتىڭ مەملەكەتتىك تىركەلگەننەن كەيىن ون كۇنتىزبەلىك كۇن ىشىندە ونى رەسمي جاريالاۋعا مەرزىمدىك باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە جىبەرىلۋىن; 3) وسى بۇيرىقتىڭ قازاقستان رەسپۋبليكاسىنىڭ قورشاعان ورتا جانە سۋ رەسۋرستارى مينيسترلىگىنىڭ ينتەرنەت-رەسۋرسىنا ورنالاستىرىلۋىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ قورشاعان ورتا جانە سۋ رەسۋرستارى مينيسترلىگىنىڭ جەتەكشىلىك ەتەتىن ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇننەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.
ءمينيستردىڭ م.ا. ە.نىسانباەۆ. قازاقستان رەسپۋبليكاسىنىڭ قورشاعان ورتا جانە سۋ رەسۋرستارى ءمينيسترىنىڭ 2013 جىلعى 31 جەلتوقسانداعى №398-ءو بۇيرىعىمەن بەكىتىلگەن 1. جالپى ەرەجەلەر 1. وسى سۋ تارتۋ قۇرىلىستارىنىڭ بالىق قورعاۋ قۇرىلعىلارىنا قويىلاتىن تالاپتارى (بۇدان ءارى – تالاپتار) 2004 جىلعى 9 شىلدەدەگى قازاقستان رەسپۋبليكاسىنىڭ «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» زاڭىنىڭ 9 بابى 1-تارماعىنىڭ 29) تارماقشاسىنا سايكەس ازىرلەنگەن. 2. تالاپتاردا كەلەسى انىقتامالار قولدانىلادى: 1) بالىق قورعايتىن قۇرىلعى (بۇدان ءارى – بقق) – بالىق رەسۋرستارى مەن باسقا دا سۋ جانۋارلارىنىڭ سۋ جينايتىن جانە گيدروتەحنيكالىق قۇرىلىستارعا ءتۇسۋىن بولدىرماۋعا ارنالعان قۇرىلعى: 2) سۋ تارتۋ قۇرىلعىسى – سۋ وبەكتىلەرىنەن سۋ تارتۋعا ارنالعان قۇرىلعىلار كەشەنى; 3) ۋاكىلەتتى ورگان – جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ سالاسىنداعى باسشىلىقتى, سونداي-اق ءوز وكىلەتتىكتەرى شەگىندە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان. 3. بقق قويىلاتىن باستى تالاپتار: ءتيىمدى بالىق قورعاۋ; سۋدى كەپىلدى (ۇزدىكسىز) جىبەرۋ; پايدالانۋدىڭ قول جەتىمدى قۇرالدارىندا سەنىمدى اسەر ەتۋ (كونسترۋكتسيانىڭ قاراپايىمدىلىعى, اۆتوماتتىق ارەكەت). 4. بالىق شارۋاشىلىعى سۋ ايدىندارىندا ورنالاسقان سۋ تارتۋ قۇرىلعىلارىن بقق-سىز قۇرۋ جانە پايدالانۋ جىبەرىلمەيدى. 2. سۋ بوگەتتەرى ءۇشىن بالىق قورعاۋ قۇرىلعىلارىن جوبالاۋعا قويىلاتىن تالاپتار 5. بقق جوبالاۋ كەزىندە قشجە 2.06.07-87 «تىرەۋىش قابىرعالار, كەمە قاتىناستى شليۋزدەرى, بالىق قورعاۋ جانە بىلىق جىبەرۋ قۇرىلعىلارى» (بۇدان ءارى – كشجە) تالاپتارى ساقتالۋى قاجەت. 6. بقق جوبالاۋ سونداي-اق عىلىمي زەرتتەۋ جانە جوبالىق-ىزدەنىس جۇمىستارى نەگىزىندە ورىندالادى. 3. بوگەتتەردەگى پايدالانىلاتىن بقق قويىلاتىن تالاپتار 7. ورناتۋى ۋاكىلەتتى ورگاننىڭ اۋماقتىق بولىمشەلەرىمەن كەلىسىلگەن بقق عانا پايدالانۋعا جىبەرىلەدى. كەلىسىمدە بقق ءتۇرى جانە ونىڭ تەحنيكالىق سيپاتتامالارى كورسەتىلەدى. 8. بقق پايدالانۋ قشجە سايكەس جۇرگىزىلەدى. 9. بقق جەتكىلىكسىز تيىمدىلىگى انىقتالعان كەزدە پايدالانۋشى ۇيىممەن وكىلەتتى ورگاننىڭ اۋماقتىق بولىمشەسىمەن كەلىسىلگەن قۇرىلىس جوباسى قۇراستىرىلادى. قۇرىلىستى قايتا جوبالاۋ عىلىمي زەرتتەۋلەر مەن ۇسىنىستار نەگىزىندە جۇزەگە اسىرىلادى. 10. ۋاكىلەتتى ورگاننىڭ اۋماقتىق بولىمشەسىنىڭ كەلىسىمىنسىز بقق قوندىرعىنىڭ ءبىر تۇرىنەن ەكىنشى تۇرىنە رۇقسات ەتىلمەيدى. 11. بقق ءوزىنىڭ تەحنيكالىق سيپاتتامالارىنا سايكەس جانە بارلىق قۇرىلىستىق توراپتارى مەن ەلەمەنتتەرى جۇمىسقا جارامدى جاعدايدا بولۋى كەرەك. 12. بقق تيىمدىلىگى قشجە سايكەس انىقتالادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 5 اقپاندا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9131 بولىپ ەنگىزىلدى.