ەكىنشى ورتا سالماق دارەجەسىندەگى الەمنىڭ ءابسوليۋتتى چەمپيونى, مەكسيكالىق ساۋل «كانەلو» الۆارەس پەن وتانداسىمىز گەننادي گولوۆكين اراسىنداعى ءۇشىنشى جەكپە-جەك بيىل ءوتۋى مۇمكىن, دەپ حابارلايدى Egemen.kz.
بۇل تۋرالى بەلگىلى بوكس ساراپشىسى مايك كوپپيندجەر اقپارات تاراتتى. سوڭعى دەرەكتەرگە سەنسەك, پروموۋتەر ەددي حيرن ساۋل الۆارەسكە ەكى بىردەي جەكپە-جەك ۇيىمداستىرۋ تۋرالى ۇسىنىس جاساعان. ول ءبىرىنشى كەزەكتە مەكسيكالىق بوكسشىنىڭ جارتىلاي اۋىر سالماقتاعى WBA تۇجىرىمى بويىنشا الەم چەمپيونى دميتري بيۆولمەن مامىر ايىندا شارشى الاڭدا كەزدەسكەنىن قالايدى. ال گولوۆكين-الۆارەس تريلوگياسىن 17 قىركۇيەكتە ۇيىمداستىرۋعا بەل بۋىپ وتىر. شايقاس ۇيىمداستىرىلعان جاعدايدا ەكىنشى ورتا سالماق دارەجەسىندە وتپەك.