بۇگىن, 17 ناۋرىز كۇنى قازاقستاندىق بەلگىلى تەلەجۋرناليست ۆلاديمير انتونوۆ قايتىس بولدى. بۇل تۋرالى «حابار» تەلەارناسى حابارلادى.
«ۆلاديمير ۆلاديميروۆيچ ۇزاققا سوزىلعان ناۋقاستان كەيىن قايتىس بولدى. ونىڭ جاسى 77-دە ەدى. جەرلەۋ ەرتەڭ الماتىدا وتەدى», - دەپ حابارلادى ونىڭ ارىپتەستەرى دۇيسەنبى كۇنى تەلەفونمەن.
ۆ.انتونوۆ تەلەۆيدەنيەگە 1958 جىلى كينووپەراتور رەتىندە كەلدى. سوسىن 30 جىل قازاق تەلەۆيدەنيەسىندە جاڭالىقتار كوممەنتاتورى بولىپ قىزمەت ەتتى. ول «حابار» تەلەارناسى اشىلعاندا ءبىرىنشى بولىپ شاقىرىلعاندار قاتارىندا بولدى.
ۆ.انتونوۆ نۇرسۇلتان نازارباەۆ 1991 جىلى بۇكىلحالىقتىق داۋىس بەرۋ قورىتىندىسى بويىنشا ءبىرىنشى رەت پرەزيدەنت بولىپ سايلانعان كەزدە ودان ەڭ العاشقى بولىپ سۇحبات العان جۋرناليست ەدى.
تالانتتى جۋرناليست رەسمي تۇردە زەينەت دەمالىسىنا كەتكەننەن كەيىن دە ءوزى بۇكىل سانالى عۇمىرىن ارناعان تەلەۆيدەنيەدەن بايلانىسىن ۇزگەن جوق. ونى بۇرىنعى ارىپتەرى «التى سوتىق» دەگەن حاباردى جۇرگىزۋگە شاقىردى. بۇل باعدارلامانى ول 11 بويى جۇرگىزىپ, تانىمالىلار قاتارىنا قوستى.
ءبىز ارىپتەسىمىزدىڭ وتباسىنا قايعىرىپ, كوڭىل ايتامىز.
رۋسلان يگىلىك.
دەرەككوز: حابار تەلەارناسى.