چيليدە ورىن العان كۇشتى جەر سىلكىنىسىنەن كەيىن 100 مىڭنان اسا ادام قاۋىپسىز جەرگە كوشىرىلدى, دەپ حابارلايدى يتار-تاسس اگەنتتىگى.
ءچيليدىڭ توتەنشە جاعدايلار جونىندەگى ۇلتتىق باسقارماسىنىڭ ديرەكتورى ريكاردو تورو تابيعي اپاتتان كەيىن ەلدە تسۋنامي تۋىنداۋ قاۋپى بار ەكەنىن جەتكىزدى. ونىڭ ايتۋى بويىنشا, قاۋىپسىزدىك ماقساتىندا ەلدىڭ تىنىق مۇحيتى جاعالاۋىنداعى تۇرعىندار قاۋىپسىز جەرگە كوشىرىلگەن. 6,7 باللدى قۇراعان جەر سىلكىنىسى يكيكە پورتىنان سولتۇستىك-باتىسقا قاراي 61 شاقىرىم جەردە ورىن العان.
2010 جىلدىڭ اقپان ايىندا چيلي مەملەكەتىندە ماگنيتۋداسى 8,8 باللدى قۇراعان الاپات جەر سىلكىنىسى ورىن العان بولاتىن. ونىڭ ارتىنان تسۋنامي پايدا بولىپ, تابيعي اپات سالدارىنان 524 ادام قازا بولعان.
ايدار ورىسباەۆ.
دەرەككوز: Itar-tass.com.
فوتو: Fototelegraf.ru.