بۇگىن, 15 ناۋرىز كۇنى باستالعان فۋتبولدان قازاقستان پرەمەر-ليگاسىنىڭ چەمپيوناتىندا «استانا-ارەنا» كەشەنىندە كەزدەسكەن «استانا» مەن تالدىقورعاننىڭ «جەتىسۋ» كوماندالارى اراسىنداعى ماتچ 0:0 ەسەبىمەن تەڭ اياقتالدى. بۇل تۋرالى Egemen.kz حابارلادى.
ماتچتا قارسىلاستار ءبىر-بىرلەرىنىڭ قاقپالارى قۇلپىن اشا المادى. استانالىق فۋتبولشىلار 50-مينۋتتا گول سوعۋدىڭ وتە قولايلى ءساتىن جىبەرىپ الدى. بىراق ەلوردا جاساعى ساپىنداعى پورتۋگال فۋتبولشىسى سيسەرۋ پەنالتيدى پايدالانا المادى. ال بۇعان دەيىنگى ەكى ويىندا وسىنداي 11 مەترلىك بەلگىلەنىپ, ونى ۇرۋشىلار ءتيىمدى پايدالانا بىلگەن ەدى.
بۇدان بۇرىن قوستانايدىڭ «توبىلى» ءوز الاڭىندا سەمەيدىڭ «سپارتاگىن» 2:1 ەتىپ ۇتسا, پاۆلوداردا «ەرتىس» قاراعاندىنىڭ «شاحتەرىن» 1:0 ەسەبىمەن جەڭدى. ال تارازدا جەرگىلىكتى كوماندانى «اقتوبە» 2:0 ەتىپ تىزە بۇكتىرسە, قىزىلوردادا «قايسار» شىمكەنتتىڭ «ورداباسى» ۇجىمىنان 1:0 ەسەبىمەن باسىم ءتۇستى.
ءبىر ايتا كەتەتىن جايت, Vesti.kz سايتىنىڭ حابارلاۋىنشا, «استانا» جاساعىنىڭ جانكۇيەرلەرى اسقار مەن دينارا وسى كۇنى ۇيلەنۋ تويلارىن وتكىزىپ جاتقاندارىنا قاراماستان, بۇل ماتچقا ارنايى كەلىپ قايتۋعا ۋاقىت تاۋىپتى.
ەندى تۋردىڭ ءبىر عانا ويىنى قالىپ تۇر.
دامير قوجامقۇل.
دەرەككوز: Egemen.kz.
فوتو: Vesti.kz.