الەۋمەتتىك-ەكونوميكالىق رەفورما باعىتتارىنىڭ ءبىرى رەتىندە جوبالىق توپ قۇرۋ قاجەت. بۇل تۋرالى قر پرەزيدەنتى قاسىم-جومارت توقاەۆ ايتتى, دەپ جازادى Egemen.kz.
«الەۋمەتتىك-ەكونوميكالىق رەفورما باعىتتارىنىڭ ءبىرى رەتىندە جوبالىق توپ قۇرۋ قاجەت. وعان سىزدەردىڭ ارقايسىڭىز ءوز وكىلىڭىزدى جىبەرىپ, جەكە دە قاتىسا الاسىزدار. بۇل جەردە جەكە بيۋروكراتيا مەن ءفورماليزمنىڭ قاجەتى جوق. سىزدەردىڭ ارقايسىڭىز - ەڭ الدىمەن ءىستىڭ ادامىسىزدار», دەپ اتاپ ءوتتى مەملەكەت باسشىسى ەلىمىزدىڭ ءىرى بيزنەس وكىلدەرىمەن كەزدەسۋ بارىسىندا.
قر پرەزيدەنتىنىڭ اتاپ وتۋىنشە, دايىندالعان توپتامالار مەن ۇسىنىستار جاڭا ەكونوميكالىق ساياساتتىڭ ورتا مەرزىمدى باعدارلامالارىنىڭ نەگىزىنە اينالۋى ءتيىس.
«مەنىڭشە, مۇنداي ورگان بيزنەستىڭ ويى مەن يدەيالارىن تىكەلەي جەتكىزۋگە, شەشىمدەردىڭ كابينەتتە شەشىلۋىن تومەندەتۋگە مۇمكىندىك بەرەدى. مەن سىزدەرمەن بۇگىنگىدەي ءجيى كەزدەسۋ وتكىزۋگە دايىنمىن», دەدى قاسىم-جومارت توقاەۆ.