سەمەيدە وكىلەتتىگىن اسىرا پايدالانعان جشس قىزمەتكەرى ەكى ميلليون تەڭگەدەن استام قاراجات جۇمساعانى انىقتالدى, دەپ حابارلايدى Egemen.kz Polisia.kz-كە سىلتەمە جاساپ.
سەمەي قالاسى زاتون پوليتسيا ءبولىمىنىڭ كەزەكشى بولىمىنە 2021 جىلعى 13-22 جەلتوقسان ارالىعىندا جشس ءبىرىنىڭ قىزمەتكەرى ءوزىنىڭ قىزمەتتىك جاعدايىن پايدالانا وتىرىپ, شامامەن 2 097 933 تەڭگە سوماسىندا اقشا قاراجاتىن ىسىراپ ەتكەنى تۋرالى اقپارات كەلىپ ءتۇستى.
جەدەل-ىزدەستىرۋ ءىس-شارالارىنىڭ ناتيجەسىندە كريمينالدىق پوليتسيا قىزمەتكەرلەرى 39 جاسار كۇدىكتىنى ۇستادى, ولار جاۋاپ الۋ كەزىندە ءوز كىناسىن تولىق مويىندادى.
اتالعان فاكتى بويىنشا قر قك 189-بابى 2-بولىگى «سەنىپ تاپسىرىلعان بوتەن م ۇلىكتى يەمدەنۋ نەمەسە ىسىراپ ەتۋ» بويىنشا سوتقا دەيىنگى تەرگەۋ باستالدى.