WBA (super), WBO, IBF, IBO تۇجىرىمدارى بويىنشا اسا اۋىر سالماق دارەجەسىندەگى الەم چەمپيونى, ۋكراينالىق بوكسشى الەكساندر ۋسيكتىڭ پروموۋتەرى الەكساندر كراسيۋك ەنتوني دجوشۋاعا قارسى وتەتىن قارىمتا جەكپە-جەكتىڭ كەلىسىمشارتىنا ءالى قول قويىلماعانىن ايتتى, دەپ حابارلايدى Egemen.kz.
ء«دال قازىر بارلىق اڭگىمە كەلىسسوزدەردىڭ توڭىرەگىندە ءجۇرىپ جاتىر. الەكساندر ۋسيكتىڭ كىمگە قارسى شارشى الاڭعا شىعاتىنىن جاقىن كۇندەرى حابارلايتىن بولامىز. البەتتە, ءبىرىنشى كەزەكتەگى قارسىلاسىمىز ۇلىبريتانيالىق ەنتوني دجوشۋا ەكەنى ايتپاسا دا تۇسىنىكتى. ويتكەنى ءبىز قارىمتا كەزدەسۋ وتكىزۋگە ءتيىستىمىز», دەدى الەكساندر كراسيۋك ءوزىنىڭ الەۋمەتتىك جەلىلەردەگى جازباسىندا.