اريستوتەلدىڭ جاڭالىعى جوعارى باعالاندى

اتالعان كونكۋرسقا «جارا­تى­لىس­تانۋ عىلىمدارى», «ينجي­نيرينگ جانە تەحنولوگيالار», «مەديتسينا جانە دەنساۋلىق ساق­تاۋ», «الەۋمەتتىك جانە گۋما­ني­تارلىق عىلىمدار», «اۋىل شارۋا­شىلىعى جانە ۆەتەريناريا عى­لىمدارى», «اسكەري عىلىمدار جانە ۇلتتىق قاۋىپسىزدىك» سىندى جەتى باعىت بويىنشا 575 عالىم مەن عىلىمي قىز­مەتكەر قاتىستى.

قۇرامىنا جەتەكشى عالىم­دار, تاۋەل­سىز ساراپشىلار, مەم­لەكەتتىك ورگانداردىڭ وكىلدەرى, جاس عالىمدار كەڭەسى مەن جاس عالىمدار اليانسىنىڭ مۇشەلەرى ەنگەن كوميسسيانىڭ شە­شىمىمەن اريستوتەل يساعۇلوۆ وتان­دىق عىلىم مەن تەحنيكانىڭ دا­مۋى­نا ەلەۋلى ۇلەس قوسقان قازاق­ستان­دىق­تاردى قولداۋعا جانە كوتەر­مەلەۋگە باعىتتالعان سىيلىققا لايىقتى دەپ تانىلدى.

ەسكە سالا كەتسەك, قارا­عان­دى­لىق عالىم بىلتىر ۋني­ۆەر­سي­تەتتەگى ءبىر توپ ارىپتەستەرىمەن بىر­گە عىلىم مەن تەحنيكا سالاسى بو­يىنشا ءال-فارابي اتىنداعى مەم­­لەكەتتىك سىيلىققا يە بولعان ەدى.

پروفەسسور اريستوتەل يسا­عۇلوۆ 1 086 عىلىمي ەڭبەكتىڭ – مونوگرا­فيالار, عىلىمي ماقا­لا­لار, پاتەنتتەر, وقۋلىقتار جانە وقۋ قۇرالدارىنىڭ اۆتورى. ءۇش عىلىم دوكتورىن جانە 18 عىلىم كانديداتىن جانە 15 PhD دايار­لاعان.

بۇگىندە «قاراعاندى تەحنيكا­لىق ۋنيۆەرسيتەتى» كەاق-تىڭ اتقارۋشى ديرەكتورى بولىپ قىز­مەت ەتەتىن اريستوتەل يسا­­عۇلوۆ تاۋ-كەن مەتاللۋرگيا سا­لا­سىن تەحنولوگيالىق جاڭ­­­عىر­تۋعا باعىتتالعان ۇل­كەن جۇ­­مىستاردى اتقارىپ ءجۇر. ونىڭ زەرتتەۋلەرىنىڭ ناتي­جە­لەرى 26 كاسىپورىندا ءساتتى ەنگى­زىلگەن. ولاردىڭ قاتارىندا «ار­سەلور­ميتتال تەمىرتاۋ» اق, «قا­زاق­ستان ءاليۋمينيى» اق, «قا­راعاندى ماشينا جاساۋ كونسورتسيۋمى» جشس جانە «قازاقمىس» كورپوراتسياسىنىڭ ققمز سياقتى ءىرى كومپانيالار بار.

«ۇزدىك عىلىمي قىز­مەت­كەر-2021» بايقاۋىندا عى­لى­مي-زەرتتەۋ ينستيتۋتتارى مەن جو­عارى وقۋ ورىندارى اتىنان باق سىناعان 50 عالىمنىڭ مارا­پاتتالعانىن ايتا كەتكەن ءجون. ولاردىڭ ارقايسىسىنا 5 ملن 834 مىڭ تەڭگە مولشەرىندەگى اقشالاي سىياقى جانە ارنايى كۋالىك تابىس ەتىلدى.

قاراعاندى