ميلان قالاسىندا XXV قىسقى وليمپيادانىڭ شورت-ترەكتەن ەرلەر اراسىنداعى 500 مەترگە ىرىكتەۋ جارىسى ءوتتى. بۇل سىندا ابزال اجىعاليەۆ پەن دەنيس نيكيشا باسەكەگە ءتۇستى, دەپ جازادى Egemen.kz.
الەم كۋبوگى كەزەڭىنىڭ جانە ازيا ويىندارىنىڭ چەمپيونى ابزال اجىعاليەۆ ءوز توبىندا ءبىرىنشى بولىپ, مارەگە جەتتى. وسىلايشا ول شيرەك فينالعا تىكەلەي جولداما الدى.
«سان-سيرو» ستاديونىنداعى سالتاناتتى اشىلۋ راسىمىندە ەلىمىزدىڭ مەملەكەتتىك تۋىن ۇستاپ شىققان دەنيس نيكيشا 3-ءشى توپتا سىنعا ءتۇسىپ, مارەگە ءۇشىنشى جەتتى (40.818 سەكۋند). الەم چەمپيوناتىنىڭ 2 دۇركىن كۇمىس جۇلدەگەرى, ازيا ويىندارىنىڭ جەڭىمپازى دەنيس نيكيشا ۋاقىت كورسەتكىشى بويىنشا شيرەك فينالعا شىقتى.
قىسقى وليمپيادا: ساراپشى كىمدەردى جۇلدەگە لايىق دەپ سانايدى؟
ەندى شيرەك فينال مەن فينالدىق جارىس 18-ءشى اقپاننان 19-ىنا اۋعان ءتۇنى وتەدى.
سونداي-اق بۇگىن 23:00-دە شاڭعىمەن تۇعىردان سەكىرۋدەن ەرلەر اراسىنداعى كوماندالىق سايىس وتەدى. اتالعان جارىستا يليا ميزەرنىح پەن دانيل ۆاسيلەۆ ەل نامىسىن قورعايدى.
ايتا كەتەيىك, تورتجىلدىقتىڭ باستى دوداسىندا مانەرلەپ سىرعاناۋشى ميحايل شايدوروۆ التىن مەدەل يەلەنىپ, قازاقستان ازىرگە جالپى ەسەپتە 17-ءشى ورىندا تۇر.