اقتوبە وبلىسىندا تۇرمىسقا شىققالى جاتقان بويجەتكەن تۇرمەگە وتىردى. بۇل تۋرالى «ەكسپرەسس ك» گازەتى حابارلادى.
22 جاسار ۇلجان نۇرجانوۆا كولىگىمەن جاياۋ جۇرگىنشىنى قاعىپ كەتىپ, قارسى بەتتە كەلە جاتقان پروكۋراتۋرا قىزمەتكەرى كولىگىنىڭ «سوعۋىنا سەبەپكەر ەتتى». سول كەزدە ۇلجاننىڭ جانىندا جىگىتى بولعان ەدى. بولاشاق قالىڭدىعىن اقتاپ الماق بولعان بۇل ازامات العاشىندا جول وقيعاسىنا قاتىستى كىنانى ءوز موينىنا الادى. الايدا, ارادا ءبىر اي وتكەندە ۇلجان قۇقىق قورعاۋ ورگانىنا كەلىپ, كولىكتى ءوزى باسقارعانىن ايتتى.
ساراپتاما قورىتىندىسىندا جاياۋ جۇرگىنشىگە ۇلجان كولىگى سوققانى كورسەتىلگەن. ال پروكۋراتۋرا قىزمەتكەرى جول ەرەجەسىن بۇزباعان.
وسىعان قاتىستى ءىستى قاراعان سوت ۇلجان نۇرجانوۆانى 3 جىلعا باس بوستاندىعىنان ايىرىپ, جابىرلەنۋشىگە 2 ملن. تەڭگە تولەۋگە مىندەتتەدى. ءارى جازاسىن جالپى رەجيمدەگى كولونيادا وتەيتىن بولدى.
بيىلعى جەلتوقسان ايىندا ۇلجان مەن جىگىتى وتاۋ قۇرۋعا ءسوز بايلاسقان-دى...
ءامىرحان الماعانبەتوۆ.
دەرەككوز: «ەكسپرەسس ك»
فوتو: Mordovia-news.ru.