قىتايدىڭ وردوس قالاسىندا دزيۋدودان وتكەن ازيا چەمپيوناتىنىڭ ەكىنشى جارىس كۇنى قازاقستان جانكۇيەرلەرى ءۇشىن قۋانىشتى جاڭالىقپەن اياقتالدى, دەپ جازادى Egemen.kz.
81 كەلى سالماق دارەجەسىندە سىنعا تۇسكەن ادىلەت المات قۇرلىق دوداسىنىڭ جەڭىمپازى اتاندى.
فينالدا وتانداسىمىز پاريج وليمپياداسىنىڭ قولا جۇلدەگەرى سومون ماحمادبەكوۆپەن بەلدەستى. تارتىستى وتكەن كەزدەسۋدە ادىلەت المات قارسىلاسىن اۋىرتۋ ادىسىمەن ايقىن جەڭىپ, التىن مەدالدى يەلەندى.
ەۋروپا كۋبوگى: قازاقستان دزيۋدودان التىن مەدال جەڭىپ الدى
بۇل – قازاقستان بالۋانىنىڭ ەرەسەكتەر اراسىنداعى ازيا چەمپيوناتىنداعى العاشقى جۇلدەسى. بۇعان دەيىن ول 2023 جىلى جاستار اراسىندا ازيا چەمپيونى اتانىپ, بولاشاعىنان زور ءۇمىت كۇتتىرگەن ەدى.
ايتا كەتەيىك, قازاقستان قۇراماسى ساپىنان سوڭعى رەت 2022 جىلى استانادا وتكەن ازيا چەمپيوناتىندا دانيار شامشاەۆ توپ جارعان بولاتىن. ەندى بۇل جەتىستىكتى ادىلەت المات جالعاستىرىپ وتىر.
ەكى دزيۋدوشىمىز ازيا چەمپيوناتىنىڭ جارتىلاي فينالىنا شىقتى