قر پرەمەر-ءمينيسترى ءاليحان سمايىلوۆ ۇكىمەت اتىنان كۇش قۇرىلىمدارىنىڭ قىزمەتكەرلەرىنە ەلدەگى قوعامدىق ءتارتىپتى قالپىنا كەلتىرۋ جونىندەگى ءىس-ارەكەتتەرى ءۇشىن العىس ءبىلدىردى, دەپ حابارلايدى Egemen.kz قر پرەمەر-ءمينيسترىنىڭ سايتىنا سىلتەمە جاساپ.
«ەلىمىز ءۇشىن قيىن ۋاقىتتا ءىىم قىزمەتكەرلەرى, ۇلتتىق ۇلان, قورعانىس مينيسترلىگى, تجم جانە باسقا دا قۇقىق قورعاۋ ورگاندارىنىڭ اسكەري قىزمەتشىلەرى, سونداي-اق مەرزىمدى اسكەري قىزمەتشىلەر مەن كۋرسانتتار ەلدەگى قوعامدىق ءتارتىپتى قالپىنا كەلتىرۋ بويىنشا قىزمەت اتقارادى. ولارعا ۇلكەن جۇمىس ءۇشىن العىس بىلدىرەمىز», دەدى ءاليحان سمايىلوۆ پرەزيدەنتتىڭ تاپسىرمالارىن ورىنداۋ جونىندەگى كەڭەستە.