جاقىندا بەلگىلى جۋرناليست, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ جۋرناليستيكا جانە ساياساتتانۋ فاكۋلتەتىندەگى ءباسپاسوز جانە باسپا ءىسى كافەدراسىنىڭ دوتسەنتى, فيلولوگيا عىلىمدارىنىڭ كانديداتى مۇراتبەك توقتاعازين حالىقارالىق اقپاراتتاندىرۋ اكادەمياسىنىڭ تولىق مۇشەسى-اكادەميگى بولىپ سايلاندى.
ول – «دەرەكتىلىك پەن كوركەمدىك», «اقمولا ءۇشىن ايقاس» كىتاپتارىنىڭ اۆتورى, «ايگىلى ازاعا», «ءازىلحان نۇرشايىقوۆ جانە قازاقستاندىق جۋرناليستيكانىڭ وزەكتى ماسەلەلەرى», «بەكزات بولمىس» كىتاپتارىنىڭ قۇراستىرۋشىسى, «ءبۇتىن ءبىتىم» كىتابى قۇراستىرۋشىلارىنىڭ ءبىرى. رەسپۋبليكالىق باسپاسوزدە 500-دەن استام كوسەمسوزدىك ماتەريالدارى مەن عىلىمي ماقالالارى جارىق كورگەن.
حالىقارالىق اقپاراتتاندىرۋ اكادەمياسى اقپاراتتار تابيعاتىن تانىپ-ءبىلۋ, اقپاراتتىق تەحنولوگيالار, ەكولوگيالىق جانە اقپاراتتىق-تالدامالىق قىزمەت, قوعامدى اقپاراتتاندىرۋ جانە بىرىڭعاي الەمدىك اقپاراتتىق بىرلەستىك قۇرۋ سالاسىندا پىكىرلەستەردىڭ باسىن قوساتىن ءوزىن ءوزى باسقاراتىن تاۋەلسىز قوعامدىق بىرلەستىك بولىپ تابىلادى. ول – ەلىمىزگە تانىمال باق وكىلدەرى مەن ءار سالاداعى ايگىلى عالىمداردىڭ باسىن قوساتىن ىرگەلى ۇيىم.
گۇلجازيرا ەرتاسوۆا,
ەۋرازيا ۇلتتىق ۋنيۆەرسيتەتىنىڭ
اعا وقىتۋشىسى.