مادەنيەت جانە سپورت ءمينيسترىنىڭ بۇيرىعىمەن ايدوس مەرەكە ۇلى ساكەنوۆ تۋريزم يندۋسترياسى كوميتەتىنىڭ توراعاسى قىزمەتىنە تاعايىندالدى, دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.
ايدوس ساكەنوۆ 1987 جىلى وسكەمەن قالاسىندا دۇنيەگە كەلگەن.
ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىن, ل. گونچاروۆ اتىنداعى قازاق اۆتوموبيل-جول ينستيتۋتىن, قر پرەزيدەنتى جانىنداعى مەملەكەتتىك باسقارۋ اكادەمياسىن, ليدس ۋنيۆەرسيتەتىن تامامداعان.
ەڭبەك جولىن 2008 جىلى قر كولىك جانە كوممۋنيكاتسيا مينيسترلىگىنىڭ اۆتوموبيل جولدارى كوميتەتىنىڭ پايدالانۋ باسقارماسى ساراپشىسىنىڭ م. ا. بولىپ باستادى.
2009-2014 جىلدارى — قر كولىك جانە كوممۋنيكاتسيا مينيسترلىگىنىڭ قۇرىلىمىندا ءارتۇرلى قىزمەتتەر اتقارعان.
2014-2016 جىلدارى — قر ينۆەستيتسيالار جانە دامۋ مينيسترلىگىنىڭ اۆتوموبيل جولدارى كوميتەتىنىڭ ساراپشىسى.
2016-2018 جىلدارى — الماتى قالاسى كاسىپكەرلىك جانە يندۋستريالىق-يننوۆاتسيالىق دامۋ باسقارماسىنىڭ جەكە كاسىپكەرلىكتى قولداۋ جانە دامىتۋ ءبولىمىنىڭ باسشىسى.
2018-2020 جىلدارى — پاۆلودار وبلىسىنىڭ كاسىپكەرلىك جانە ساۋدا باسقارماسى باسشىسىنىڭ ورىنباسارى.
2020 جىلعى مامىر ايىنان باستاپ قازىرگى ۋاقىتقا دەيىن مادەنيەت جانە سپورت مينيسترلىگىنىڭ تۋريزم يندۋسترياسى كوميتەتى توراعاسىنىڭ ورىنباسارى قىزمەتىن اتقاردى.