فيليال باسشىسىنىڭ ايتۋىنشا, 2021 جىلدىڭ الدىن الا قورىتىندىسى بويىنشا قور اكتيۆى ەسەبىنەن ەلوردا ستاتسيونارلارىندا جوسپارلى تۇردە 91 460 پاتسيەنت ەمدەلدى, بۇعان 43 ملرد 537 ملن 25 مىڭ تەڭگە جۇمسالدى, دەپ جازادى Egemen.kz.
«ونىڭ ىشىندە, كونسۋلتاتيۆتىك-دياگنوستيكالىق كومەككە – 10,9 ملرد, ستاتسيوناردى الماستىراتىن كومەككە – 3,9 ملرد, سكرينينگتىك زەرتتەۋلەرگە – 257,5 ملن, ونكوگەموتولوگياعا – 300,8 ملن جىبەرىلگەن», دەپ حابارلايدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ءباسپاسوز قىزمەتى.
«قازىرگى كۇنى قور نۇر-سۇلتان قالاسى بويىنشا 113 مەديتسينالىق قىزمەت جەتكىزۋشىمەن شارت جاسادى, ونىڭ 76-سى – جەكەمەنشىك كلينيكالار. جىل وتكەن سايىن تۇرعىن حالىققا مەديتسينالىق قىزمەت كورسەتەتىن جەكەمەنشىك قىزمەت جەتكىزۋشىلەر ۇلەسى ارتۋدا. بۇل پاتسيەنتتىڭ ۇزدىك كلينيكانى تاڭداۋىنا مۇمكىندىك بەرەدى. مەديتسينالىق قىزمەت جەتكىزۋشىلەر ءتىزىمىن قوردىڭ fms.kz سايتىنان قاراۋعا بولادى», دەدى الەۋمەتتىك مەديتسينالىق ساقتاندىرۋ قورى ەلوردا فيليالىنىڭ باسشىسى نۇرلىبەك قابدىقاپاروۆ.
فيليال باسشىسىنىڭ ايتۋىنشا, 2021 جىلدىڭ الدىن الا قورىتىندىسى بويىنشا قور اكتيۆى ەسەبىنەن ەلوردا ستاتسيونارلارىندا جوسپارلى تۇردە 91 460 پاتسيەنت ەمدەلدى, بۇعان 43 ملرد 537 ملن 25 مىڭ تەڭگە جۇمسالدى.
اقپاراتتىق جۇيەلەردەن الىنعان مالىمەتتەر بويىنشا, جوسپارلى ەمدەۋگە جاتقىزۋعا كەزەكتىڭ تومەندەگەنى بايقالادى. پاتسيەنتتەردىڭ 1%-ى عانا اۋرۋحاناعا جاتۋ ءۇشىن ءبىر ايدان اسا ۋاقىت كۇتكەن. 2020 جىلى پاتسيەنتتەردىڭ 5%-ى ءبىر ايدان استام كۇتۋ پاراعىندا تۇرعان.
2021 جىلى 28 مىڭنان اسا بوساندىرۋ قىزمەتى قارجىلاندىرىلعان.
«وتكەن جىلمەن سالىستىرعاندا, 2021 جىلى جۇرگىزىلگەن وتا سانى ارتىپ وتىر. تەك جوعارى تەحنولوگيالىق مەديتسينالىق قىزمەتتىڭ كومەگىمەن قوسىمشا ءمامس بويىنشا 5,8 مىڭ وتا جاسالىپ, وعان 13,4 ملرد تەڭگە جۇمسالدى. كارديوحيرۋرگيالىق وتا 2 مىڭ پاتسيەنتكە جاسالسا, نەيروحيرۋرگيالىق وتا (نەيروناۆيگاتسيالىق جۇيە قولدانىلعان) – 1 مىڭ اسا ادامعا, ورتوپەديالىق وتا – 2 مىڭنان اسا پاتسيەنتكە جاسالدى», دەدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.