قر پرەمەر-ءمينيسترى اسقار مامين ۇكىمەتتىڭ تسيفرلىق كەڭسەسىندە ورتالىق مەملەكەتتىك ورگاندار باسشىلارىنىڭ جانە وڭىرلەر اكىمدەرىنىڭ قاتىسۋىمەن الەۋمەتتىك ماڭىزى بار ازىق-ت ۇلىك تاۋارلارىنىڭ جانە جانار-جاعارماي ماتەريالدارىنىڭ باعالارىن رەتتەۋ ماسەلەلەرى جونىندە كەڭەس وتكىزدى, دەپ حابارلايدى Egemen.kz.
قازاقستاندا ءۇش اپتا الەۋمەتتىك ماڭىزى بار ازىق-ت ۇلىك باعاسىنىڭ ءوسىمى نولدىك دەڭگەيدە بولدى قازىرگى جاعداي مەن اتقارىلىپ جاتقان جۇمىستار تۋرالى ساۋدا جانە ينتەگراتسيا ءمينيسترى باقىت سۇلتانوۆ, اۋىل شارۋاشىلىعى ءمينيسترى ەربول قاراشوكەەۆ, ەنەرگەتيكا ءمينيسترى ماعزۇم مىرزاعاليەۆ, باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين, شىعىس قازاقستان وبلىسىنىڭ اكىمى دانيال احمەتوۆ, جامبىل وبلىسىنىڭ اكىمى بەردىبەك ساپارباەۆ, اقتوبە وبلىسىنىڭ اكىمى وڭداسىن ورازالين, پاۆلودار وبلىسىنىڭ اكىمى ابىلقايىر سقاقوۆ جانە ت. ب. باياندادى.
وتكەن اپتادا قازاقستاندا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ جالپى ءوسۋ يندەكسى 0,0% بولدى. قابىلدانعان شارالار ەسەبىنەن ءۇشىنشى اپتا قاتارىنان ءسابىز (-0,8%), پياز (-0,7%), ماكارون ءونىمى (روجكي), كۇرىش جانە كارتوپ (-0,2%) باعاسىنىڭ تومەندەۋى بايقالادى. قالعان ونىمدەردىڭ باعالارى تۇراقتى. وڭىرلەردە «اينالىم سحەماسىن» قارجىلاندىرۋ 48,9 ملرد تەڭگەگە جەتتى. نىسانالى دەڭگەي 97,7%-عا قامتاماسىز ەتىلدى.
«اينالىم سحەماسى» بويىنشا ءتيىمدى جۇمىس نۇر-سۇلتان, الماتى جانە شىمكەنت قالالارىندا, الماتى, شىعىس قازاقستان, باتىس قازاقستان, قوستاناي, سولتۇستىك قازاقستان جانە تۇركىستان وبلىستارىندا بايقالادى. جۇرگىزىلىپ جاتقان جۇمىستاردىڭ تومەن دەڭگەيى قىزىلوردا جانە ماڭعىستاۋ وبلىستارىندا ساقتالىپ تۇر. قابىلدانعان شارالاردىڭ ارقاسىندا جانارماي نارىعىنداعى جاعداي تۇراقتاندى.
بۇگىندە بارلىق ءموز تاۋلىك سايىنعى وندىرىستە جانە اشىق ءتۇستى مۇناي ونىمدەرىن ىشكى نارىققا جونەلتە وتىرىپ شتاتتىق رەجيمدە جۇمىس ىستەپ جاتىر. بيىلعى 19 قاراشاداعى جاعداي بويىنشا مۇناي ونىمدەرىنىڭ جەتكىلىكتى جيىنتىق قورى – 200,6 مىڭ توننا بەنزين جانە 215,8 مىڭ توننا ديزەل وتىنى قالىپتاستىرىلدى, بۇل ەلدىڭ 15 تاۋلىككە جەتەدى. وتكەن اپتادا باسەكەلەستىكتى قورعاۋ جانە دامىتۋ اگەنتتىگى مونوپوليالىق جوعارى باعالاردى قويۋ بەلگىلەرى بويىنشا قاراعاندى وبلىسىنداعى قۇس فابريكاسىنا قاتىستى تەرگەۋ جۇمىسىن باستادى.
قاراعاندى, شىعىس قازاقستان, ماڭعىستاۋ وبلىستارى مەن نۇر-سۇلتان قالاسىنداعى تاۋىق جۇمىرتقاسى مەن قۇس ەتى نارىعى سۋبەكتىلەرىنە باعا بويىنشا ءسوز بايلاسۋ جانە ۇستەم جاعدايدى تەرىس پايدالانۋ بەلگىسىنىڭ بار ەكەندىگى تۋرالى 7 ەسكەرتۋ جىبەرىلدى. باتىس قازاقستان, قوستاناي, اتىراۋ جانە جامبىل وبلىستارىندا وندىرۋشىلەرمەن, كوتەرمە جەتكىزۋشىلەرمەن جانە ساۋدا جەلىلەرىمەن مونوپولياعا قارسى كومپلاەنستىڭ 14 اكتىسى جاسالدى.
جالپى, رەسپۋبليكا بويىنشا مونوپولياعا قارسى كومپلاەنستىڭ 154 اكتىسى جاسالدى. پرەمەر-مينيستر ورتالىق مەملەكەتتىك جانە جەرگىلىكتى اتقارۋشى ورگاندارعا الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن تۇراقتاندىرۋ جانە تومەندەتۋ, سونداي-اق ينفلياتسيانىڭ جالپى دەڭگەيىن 8,5% شەگىندە ۇستاپ تۇرۋ جۇمىسىن جالعاستىرۋدى تاپسىردى.
وڭىرلەردىڭ اكىمدىكتەرىنە ءوندىرىس پەن تۇتىنۋ تەڭگەرىمىن ەسكەرە وتىرىپ, تۇراقتاندىرۋ قورلارىندا جەتكىلىكتى قورلاردى قامتاماسىز ەتۋ, «اينالىم سحەماسى» بويىنشا قارجىلاندىرۋدى ۇسىنىلعان كولەمدەرگە دەيىن جەتكىزۋ, باعا بەلگىلەۋدىڭ بارلىق تىزبەگى بويىنشا دەلدالدىق سحەمالاردى تەكسەرەتىن وڭىرلىك كوميسسيالاردىڭ جۇمىسىن جانداندىرۋ تاپسىرىلدى.