تۇركىتىلدەس مەملەكەتتەر ىنتىماقتاستىعى كەڭەسى (تۇركى كەڭەسى) ەلدەرىنىڭ باسشىلارى تۇركيا پرەزيدەنتى رەجەپ تايىپ ەردوعاننىڭ توراعالىعىمەن تۇركى كەڭەسىنىڭ VIII ءسامميتى وتەتىن ىستانبۇل ماڭىنداعى «دەموكراتيا جانە بوستاندىق» ارالىنا كەلدى, دەپ حابارلايدى Egemen.kz «انادولى» اگەنتتىگىنە سىلتەمە جاساپ.
پرەزيدەنت ەردوعان قايىقتا تۇرىكمەنستان, ءازىربايجان پرەزيدەنتتەرى جانە ۆەنگريا پرەمەر-مينيسترىمەن سويلەستى.
ارالعا كەلگەن سامميتكە قاتىسۋشىلاردى ۆيتسە-پرەزيدەنت فۋات وكتاي مەن «ادىلەت جانە دامۋ» پارتياسى توراعاسىنىڭ ورىنباسارى چيگدەم كارااسلان قارسى الدى.
سامميتكە ءازىربايجان پرەزيدەنتى يلحام اليەۆ, قازاقستان پرەزيدەنتى قاسىم-جومارت توقاەۆ, قىرعىزستان پرەزيدەنتى سادىر جاپاروۆ, وزبەكستان پرەزيدەنتى شاۆكات ميرزيوەۆ جانە تۇركىمەنستان پرەزيدەنتى گۋربانگۋلى بەردىمۇحامەدوۆ قاتىسادى.
«تسيفرلىق داۋىردەگى جاسىل تەحنولوگيالار مەن اقىلدى قالالار» ۇرانىمەن ۇيىمداستىرىلعان سامميتكە ۆەنگريانىڭ پرەمەر-ءمينيسترى ۆيكتور وربان مەن تۇركى كەڭەسىنىڭ باس حاتشىسى باعدات امرەەۆ تە قاتىسادى.