اقپارات جانە قوعامدىق دامۋ ءمينيسترى «رۋحاني جاڭعىرۋ» باعدارلاماسىنىڭ ماقساتى مەن ناتيجەسى تۋرالى «بالاەۆاعا 3 سۇراق» باعدارلاماسىنىڭ جاڭا شىعارىلىمىندا ايتتى, دەپ حابارلايدى Egemen.kz.
اقپارات جانە قوعامدىق دامۋ ءمينيسترى ايدا عالىمقىزىنىڭ «بالاەۆاعا 3 سۇراق» باعدارلاماسىنا بەرگەن سۇحباتىنىڭ قىسقاشا ءۇزىندىسىن ۇسىنامىز.
«رۋحاني جاڭعىرۋ» باعدارلاماسىن ءبىر جىلدىق, بەس جىلدىق دەپ كەزەڭگە بولۋگە بولمايدى. بۇل كەشەندى تۇردە تۇراقتى جۇزەگە اسۋى ءتيىس باعدارلاما. ونىڭ ناتيجەسى سانمەن ولشەنبەيدى, ساپالى بولۋى ءتيىس.
رۋحاني جاڭعىرۋ باعدارلاماسى اياسىندا بۇگىنگى كۇنگە دەيىن 17 جوبا جۇزەگە اسىرىلىپ, ونىڭ ەكەۋى ءوز ناتيجەسىن بەردى.
ەڭ باستىسى, باعدارلامانىڭ ءمانىن جانە مازمۇنىن ءتۇسىنۋ كەرەك. مۇنىڭ نەگىزى, ءار ادامنىڭ باسەكەگە قابىلەتتىلىگىندە جاتىر. باسەكەگە قابىلەتتى ادام باسەكەگە قابىلەتتى قوعامدى قۇرايدى. مىنە, «رۋحاني جاڭعىرۋ» باعدارلاماسىنىڭ نەگىزگى قۇندىلىعى وسىندا.
سونداي-اق, «رۋحاني جاڭعىرۋ»باعدارلاماسى اياسىندا اباي قۇنانباەۆتىڭ شىعارمالارى الەمنىڭ 10 تىلىنە اۋدارىلدى.
«رۋحاني جاڭعىرۋ» باعدارلاماسىنىڭ ارالىق جەتىستىكتەرى تۋرالى ايتقاندا, مۇندا ساندىق كورسەتكىشتەرگە سۇيەنۋدىڭ قاجەتى جوق. ەڭ باستىسى – ءبىزدىڭ سانا-سەزىمىمىزدىڭ وزگەرگەنى, قوعامنىڭ تۇراقتى, ساپالى دامۋى. مۇندا ءار قازاقستاننىڭ ۇلەسى زور.
«قازاقستاننىڭ 100 جاڭا ەسىمى» جوباسى قازاقستان تاۋەلسىزدىگىن نىعايتۋعا ۇلكەن ۇلەسىن قوسىپ جاتقان ازاماتتاردى كورسەتۋ. ءبىز سول جوبانىڭ ءتورتىنشى كەزەڭىنە جول اشتىق. ءوزىنىڭ ەڭبەگىمەن, تاباندىلىعىمەن جەتىستىككە جەتىپ, قازاقستاننىڭ ابىرويىن اسقاقتاتىپ جۇرگەن زامانداستارىمىزدى حالىققا تانىتۋىمىز كەرەك.
سونىمەن قاتار, ايدا عالىمقىزى ۇلتتىق جوبالار توڭىرەگىندە دە ءسوز قوزعادى.
«ۇلتتىق جوبا - ۇلتتىق كودتى ساقتاۋ, مادەنيەتىمىزدى حالىققا كەڭىنەن تانىتۋ, سالت-ءداستۇرىمىزدى دارىپتەۋ, ناسيحاتتاۋ.
اتالمىش جوبا ءۇش باعىتتان تۇرادى:
مەملەكەتتىك ءتىل ساياساتى, مادەني جانە جاستاردى قولداۋ», دەدى مينيستر.