«تاليبان» جەتەكشىسى العاش رەت كوپشىلىك الدىنا شىقتى

لاڭكەستىك توپ وكىلدەرىنىڭ ايتۋىنشا, 30 قازاندا احۋنزادا اۋعانستاننىڭ وڭتۇستىگىندەگى كانداگار قالاسىنداعى «دارۋل ۋلۋم حاكيم» مەدرەسەسىنە بارعان. ول ءوز ءسوزىن «ەرجۇرەك ساربازدار مەن شاكىرتتەرگە» ارنايمىن دەپ باستادى. «تاليبان» جەتەكشىسىنىڭ سويلەگەن سوزىندە تەك دىنگە قاتىسى بار اڭگىمەلەر ايتىلعان, ساياسي مالىمدەمەلەر بولعان جوق.

«20 جىل بويى كاپىرلەر مەن زالىمدارعا قارسى كۇرەسكەن اۋعانستاننىڭ ەزىلگەن حالقىنا اللا ساۋابىن بەرسىن. مەنىڭ مۇنداعى نيەتىم سىزدەر ءۇشىن دۇعا ەتۋ, ال سىزدەر ماعان دۇعا ەتىڭىز», دەدى احۋنزادا.

ول سونداي-اق, ەلدى قالپىنا كەلتىرۋ جولىندا «تاليباندى» ۇلكەن سىناق كۇتىپ تۇرعانىن ايتتى.

باق وكىلدەرى احۋنزادا وتكىزگەن جيىن قاتاڭ كۇزەتپەن وتكەندىكتەن فوتو, ۆيدەو الا الماعان.

ءدىني ليدەر حايباتۋللا احۋنزادا 2016 جىلى اقش-تىڭ ۇشقىشسىز ۇشاعى سوققىسىنان بەرى «تاليبان» قوزعالىسىن باسقاردى. ول قارۋلى توپتىڭ بارلىق ساياسي, ءدىني جانە اسكەري ىستەرىندەگى ەڭ جوعارعى لاۋازىمدا وتىر. تالىپتەر قاتارىندا ول اسكەري قولباسشىدان گورى رۋحاني كوشباسشى بولىپ سانالادى.