بيىل سىر بويىندا قاسقىرلار مەن شيەبورىلەر جايىلىمداعى مالدارعا شاۋىپ, شارۋالاردى شىعىنعا باتىردى. بۇل تۋرالى «قازاقستان» تەلەارناسى حابارلادى.
ءتۇز تاعىلارى قالا ىرگەسىندەگى اۋىل تۇرعىندارىنىڭ مازاسىن قاشىردى. جاعداي ۋشىققاسىن, جەرگىلىكتى وڭىردە جىرتقىشتاردىڭ كوزىن جوياتىن ارنايى جەدەل توپ قۇرىلدى.
دەرەككە جۇگىنسەك, 2012 جىلى وبلىس بويىنشا 3112 قاسقىر ەسەپكە الىنىپ, ونىڭ 50-ءى عانا اتىلعان. ال بىلتىر تەندەر جەڭىمپازى اتانعان مەكەمە قاراجاتتى يگەرە الماۋى سەبەپتى, اش قاسقىرلاردى جويۋدىڭ مۇمكىندىگى بولمادى. «قازىر قاسقىردى اتۋ دا وڭاي ەمەس. ونىڭ كوزىن جويۋ ءۇشىن كولىك, وق جانە جانارماي كەرەك. ءارى 10 مىڭ تەڭگەگە قاسقىر اتۋ شىعىندى كوتەرمەيدى», - دەيدى وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسى جەدەل ءبولىمىنىڭ اعا مامانى مۇرات ماحانوۆ.
وبلىستىق باسقارما قىزمەتكەرىنىڭ بۇل ايتقانىنان جارتىمسىز قارجىعا قاسقىرلاردىڭ كوزىن جويۋ مۇمكىن ەمەس ەكەنىن اڭعاردىق. ال شارۋا قوجالىعىنا ەنتەلەپ كىرگەن قاسقىرلار ءتورت ت ۇلىكتى جايراتىپ جاتىر.
جەرگىلىكتى تۇرعىندار بيىل قاسقىردىڭ كوپ بولۋىن, ارقادان كەلگەن اقبوكەندەرمەن بايلانىستىرادى. ونىڭ ۇستىنە ءتۇز تاعىسىنىڭ كوزىن جويۋعا ارنالعان تەندەر ءالى وتكىزىلمەگەن كورىنەدى. سوندىقتان اش قاسقىرلارمەن قاراپايىم جۇرتشىلىق ارپالىسۋدا.
ءامىرحان الماعانبەتوۆ.
دەرەككوز: «قازاقستان» تەلەارناسى.
فوتو: Altaynews.kz.