تايۆاننىڭ وڭتۇستىگىندەگى گاوسيۋن قالاسىنداعى 13 قاباتتى تۇرعىن ۇيدەن شىققان ورتتەن 46 ادام قازا تاۋىپ, ونداعان ادام جارالاندى, دەپ حابارلايدى Egemen.kz.
قالالىق ءورت ءسوندىرۋ ءبولىمىنىڭ حابارلاۋىنشا, ءورت بەيسەنبىدە جەرگىلىكتى ۋاقىت بويىنشا 02:54 -تە شىققان. ءورت تەك تاڭەرتەڭ جەرگىلىكتى ۋاقىت بويىنشا 07:17-دە ءسوندىرىلدى.
ءورت سوندىرۋشىلەر عيماراتقا كىرگەن كەزدە 9 ادامنىڭ دەنەسىن تاپتى. بىرنەشە ساعاتتان كەيىن تاعى 37 ادامنىڭ ءمايىتى تابىلدى. ونداعان تۇرعىن اۋرۋحاناعا جاتقىزىلدى, كەيبىرىنىڭ جاعدايى اۋىر.
بيلىك 7-11 قاباتتاردا ءالى دە ادامدار بولۋى مۇمكىن ەكەنىن ايتتى جانە وسىعان بايلانىستى قۇرباندار سانى ارتۋى مۇمكىن ەكەنىن ەسكەرتتى.