بىشكەك قالاسىندا «Abai Uii» مادەني-ىسكەرلىك ءۇيىنىڭ اشىلۋ ءراسىمى ءوتتى, دەپ جازادى Egemen.kz.
«وتانداستار قورى» كەاق قر اقپارات جانە قوعامدىق دامۋ مينيسترلىگىنىڭ قولداۋىمەن قىرعىزستاندا تۇراتىن وتانداستارمەن كەزدەسۋ وتكىزدى.
قىرعىز ۇلتتىق كىتاپحاناسىنىڭ بازاسىندا وتكەن شاراعا «وتانداستار قورى» كەاق پرەزيدەنتى نۇرتاي ابىقاەۆ, قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى قازبەك يسا, ماقپال تاجماعامبەتوۆا جانە قازاقتار قاۋىمداستىعىنىڭ ءتورايىمى گۇلشات اسىلباەۆا, قىرعىزستانداعى قازاق قاۋىمداستىعى وكىلدەرى قاتىستى.
ءىس-شارا اياسىندا بىشكەك قالاسىندا «Abai Uii» مادەني-ىسكەرلىك ءۇيىنىڭ اشىلۋ ءراسىمى ءوتتى.
قازاقستان رەسپۋبليكاسى ەلشىلىگىنىڭ مالىمەتى بويىنشا, قىرعىز رەسپۋبليكاسىندا 39 مىڭعا جۋىق ەتنيكالىق قازاق تۇرادى.