ورمان شارۋاشىلىعى جانە جانۋارلار دۇنيەسى كوميتەتى توراعاسىنىڭ ورىنباسارى دانيار تۇرعامباەۆ كيىك اتۋ ماسەلەسىنە قاتىستى پىكىر ءبىلدىردى, دەپ جازادى Egemen.kz.
«قازىرگى ۋاقىتتا كيىك اتۋعا تىيىم سالىنعان. ءتيىستى موراتوري ۇزارتىلدى. سوڭعى جىلدارى قابىلدانعان شارانىڭ ارقاسىندا كيىكتەردىڭ سانى ارتتى. باتىس قازاقستان وبلىسىنداعى كيىك سانى 545 مىڭعا جەتتى», دەدى دانيار تۇرعامباەۆ.
قازىرگى تاڭدا مەملەكەتتىك تابيعي قورىقتى جەدەلدەتۋ جانە قۇرۋ, كيىكتەردىڭ ورال پوپۋلياتسياسىنىڭ ءبىر بولىگىنىڭ ىقتيمال قوزعالىسى ماسەلەسىن زەرتتەۋ, سونداي-اق جايىلىمداردى سۋارۋ ءۇشىن جەر استى سۋلارىن ىزدەۋدى ۇيىمداستىرۋ شارالارى قولعا الىنعان.
قازاقستاندا كيىكتەردىڭ سانى 842 مىڭ باسقا جەتكەن.