2013 جىلعى 31 جەلتوقسان, استانا, ۇكىمەت ءۇيى
قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنا مىندەتتى مۇشەلىك جارنالاردى تولەۋ قاعيدالارىن بەكىتۋ تۋرالى
«قازاقستان رەسپۋبليكاسىنىڭ ۇلتتىق كەسىپكەرلەر پالاتاسى تۋرالى» 2013 جىلعى 4 شىلدەدەگى قازاقستان رەسپۋبليكاسى زاڭىنىڭ 5-بابى 1-تارماعىنىڭ 2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنا مىندەتتى مۇشەلىك جارنالاردى تولەۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ
2013 جىلعى 31 جەلتوقسانداعى № 1555 قاۋلىسىمەن بەكىتىلگەن
قازاقستان رەسپۋبليكاسىنىڭ ۇلتتىق كاسىپكەرلەر
پالاتاسىنا مىندەتتى مۇشەلىك جارنالاردى تولەۋ قاعيدالارى
1. وسى قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنا مىندەتتى مۋشەلىك جارنالاردى تولەۋ قاعيدالارى (بۇدان ءارى - قاعيدالار) «قازاقستان رەسپۋبليكاسىنىڭ ۇلتتىق كاسىپكەرلەر پالاتاسى تۋرالى» (بۇدان ءارى - زاڭ) قازاقستان رەسپۋبليكاسى زاڭىنىڭ 5-بابى 1-تارماعىنىڭ 2) تارماقشاسىنا سايكەس ازىرلەندى جانە كاسىپكەرلىك سۋبەكتىلەرىنىڭ قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنا (بۇدان ءارى - ۇلتتىق پالاتا) جىل سايىنعى جارنالاردى تولەۋ ءتارتىبىن ايقىندايدى.
2. مىندەتتى مۇشەلىك جارنالاردىڭ مولشەرىن ايقىنداۋ ماقساتىندا كاسىپكەرلىك سۋبەكتىلەرى:
1) رەسپۋبليكالىق بيۋدجەت تۋرالى زاڭدا بەلگىلەنگەن جانە ەسەپتى كۇنتىزبەلىك جىلدىڭ الدىنداعى كۇنتىزبەلىك جىلدىڭ 1 قاڭتارىندا قولدانىستا بولاتىن, ەسەپتى كۇنتىزبەلىك جىلدىڭ الدىنداعى كۇنتىزبەلىك جىلداعى جىلدىق جيىنتىق تابىسى الپىس مىڭ ەسەلەنگەن ايلىق ەسەپتىك كورسەتكىشتەن اسپايتىن كاسىپكەرلىك سۋبەكتىلەرى;
2) رەسپۋبليكالىق بيۋدجەت تۋرالى زاڭدا بەلگىلەنگەن جانە ەسەپتى كۇنتىزبەلىك جىلدىڭ الدىنداعى كۇنتىزبەلىك جىلدىڭ 1 قاڭتارىندا قولدانىستا بولاتىن, ەسەپتى كۇنتىزبەلىك جىلدىڭ الدىنداعى كۇنتىزبەلىك جىلداعى جىلدىق جيىنتىق تابىسى الپىس مىڭ ەسەلەنگەن ايلىق ەسەپتىك كورسەتكىشتەن اساتىن جانە ءبىر جارىم ميلليون ەسەلەنگەن ايلىق ەسەپتىك كورسەتكىشتەن اسپايتىن كاسىپكەرلىك سۋبەكتىلەرى;
3) رەسپۋبليكالىق بيۋدجەت تۋرالى زاڭدا بەلگىلەنگەن جانە ەسەپتى كۇنتىزبەلىك جىلدىڭ الدىنداعى كۇنتىزبەلىك جىلدىڭ 1 قاڭتارىندا قولدانىستا بولاتىن, ەسەپتى كۇنتىزبەلىك جىلدىڭ الدىنداعى كۇنتىزبەلىك جىلداعى جىلدىق جيىنتىق تابىسى ءبىر جارىم ميلليون ەسەلەنگەن ايلىق ەسەپتىك كورسەتكىشتەن اساتىن كاسىپكەرلىك سۋبەكتىلەرى بولىپ بولىنەدى.
3. قازاقستان رەسپۋبليكاسىنىڭ زاڭناماسىندا وزگە كوممەرتسيالىق ەمەس ۇيىمدارعا مىندەتتى تۇردە مۇشە بولۋ بەلگىلەنگەن كاسىپكەرلىك سۋبەكتىلەرىن, سونداي-اق مەملەكەتتىك كاسىپورىنداردى قوسپاعاندا, وسى قاعيدالاردىڭ 2-تارماعىنىڭ 2) جانە 3) تارماقشالارىندا كورسەتىلگەن كاسىپكەرلىك سۋبەكتىلەرى ۇلتتىق پالاتاسىنا مىندەتتى مۇشەلىك جارنالاردى تولەيدى.
وسى قاعيدالاردىڭ 2-تارماعىنىڭ 1) تارماقشاسىندا كورسەتىلگەن كاسىپكەرلىك سۋبەكتىلەرى زاڭنىڭ 32-بابىنىڭ 9-تارماعىنا سايكەس بەس جىل ىشىندە مىندەتتى مۇشەلىك جارنالار تولەۋدەن بوساتىلادى.
4. سالىق قىزمەتىنىڭ ورگاندارى جىل سايىن ۇلتتىق پالاتانىڭ سۇراۋ سالۋى بويىنشا جىلدىق جيىنتىق تابىسى جوعارىدا كورسەتىلگەن ولشەمدەرگە سايكەس كەلەتىن دارا كاسىپكەردىڭ, زاڭدى تۇلعانىڭ اتاۋى جانە كاسىپكەرلىك سۋبەكتىلەرىنىڭ سايكەستەندىرۋ ءنومىرى تۋرالى مالىمەتتەردى ۇسىنادى.
5. قازاقستان رەسپۋبليكاسىنىڭ سالىق قىزمەتىنىڭ ورگاندارىنان الىنعان مالىمەتتەردىڭ نەگىزىندە ۇلتتىق پالاتا مىندەتتى مۇشەلىك جارنالاردى تولەيتىن كاسىپكەرلىك سۋبەكتىلەرىنىڭ تىزىمدەرىن قالىپتاستىرادى.
6. قازاقستان رەسپۋبليكاسىنىڭ ۇكىمەتى بەكىتكەن شەكتى مولشەرلەر شەڭبەرىندە ۇلتتىق پالاتانىڭ سەزى بەلگىلەگەن مىندەتتى مۇشەلىك جارنالاردىڭ مولشەرىن ۇلتتىق پالاتا جىل سايىن 1 شىلدەگە دەيىنگى مەرزىمدە بۇقارالىق اقپارات قۇرالدارىندا, ونىڭ ىشىندە ينتەرنەت-رەسۋرستاردا جاريالايدى.
7. ۇلتتىق پالاتا مىندەتتى مۇشەلىك جارنا بويىنشا ەسەپتەۋدى جۇزەگە اسىرۋ ءۇشىن سالىق قىزمەتىنىڭ ورگاندارى بەرگەن مالىمەتتەردىڭ نەگىزىندە كاسىپكەرلىك سۋبەكتىلەرىنە 1 شىلدەگە دەيىنگى مەرزىمدە قاعاز جانە/نەمەسە ەلەكتروندىق نىساندا شوتتار بەرەدى.
8. ۇلتتىق پالاتا ءوزىنىڭ رەسمي ينتەرنەت-رەسۋرسىندا مىندەتتى مۇشەلىك جارنالاردى تولەۋ جۇزەگە اسىرىلاتىن شوت ءنومىرى جانە وزگە قاجەتتى دەرەكتەمەلەر تۋرالى اقپاراتتى جاريالايدى.
9. كاسىپكەرلىك سۋبەكتىلەرى مىندەتتى مۇشەلىك جارنالاردى جىل سايىن 31 جەلتوقسانعا دەيىنگى مەرزىمدە تولەيدى.