مەكسيكاداعى كەرەتارو شتاتىندا قاتتى جاڭبىر جاۋىپ, وزەن سۋى تاسىدى. 3,5 مىڭنان استام تۇرعىن ءۇي سۋ استىندا قالدى, دەپ جازادى Egemen.kz.
Milenio گازەتىنىڭ جازۋىنشا, بۇگىن وڭىردە تابيعي اپاتتان كەلگەن شىعىندى باعالاۋ باستالادى.
«ەرتەڭ 120 ادام ءتىزىم قۇراستىرۋعا كىرىسەدى, ەلدى مەكەندەردە قانشا ادام تۇراقتى تۇردە, قانشاسى ءۇي جالداپ تۇرىپ جاتقانىن سانايدى. ءبىز سوعان قاراپ, مۇمكىندىگىمىزدى سارالايمىز», دەدى ايماق گۋبەرناتورى ماۋريسيو كۋري.
اسكەري قىزمەتشىلەر مەن قۇتقارۋشىلار سۋ باسقان اۋدانداردان 3 مىڭنان استام ادامدى ەۆاكۋاتسيالاعان.
قىركۇيەك ايىنىڭ باسىنداعى نوسەردەن بولعان سۋ تاسقىنى يدالگو شتاتىنداعى ونداعان مىڭ ۇيگە زيان كەلتىردى. سونىڭ ىشىندە تۋلا-دە-الەندە قالاسى ايتارلىقتاي زارداپ شەكتى. وندا اۋرۋحانانى سۋ باسىپ, ونداعى ناۋقاستار قايتىس بولدى.
تابيعي اپاتى جالپى العاندا 70 مىڭنان استام ادامعا اسەر ەتتى. ونى جويۋعا جۇزدەگەن قۇتقارۋشى, اسكەري قىزمەتشىلەر مەن ۇلتتىق ۇلان جاۋىنگەرلەرى جۇمىلدىرىلدى.