قاسىم-جومارت توقاەۆ جامبىل وبلىسىنا جۇمىس ساپارى بارىسىندا گۆاردەيسكي كەنتىندەگى جاڭادان اشىلعان سپورتتىق-ساۋىقتىرۋ كەشەنىن ارالاپ كوردى, دەپ حابارلايدى Egemen.kz.
پرەزيدەنتكە سپورت نىسانىندا ەكى اۋىسىمدا 120 ادام جاتتىعا الاتىنى جونىندە ايتىلدى. سپورت كەشەنىندە ۆولەيبول, فۋتبول, كۇرەس, بوكس, تاەكۆوندو جانە كاراتە زالدارى بار. «جۇمىسپەن قامتۋ جول كارتاسى» باعدارلاماسى اياسىندا نىسان قۇرىلىسىنا رەسپۋبليكالىق بيۋدجەتتەن 431 ميلليون تەڭگە بولىنگەن. اتالعان جوبانىڭ ماقساتى – جەرگىلىكتى تۇرعىنداردى دەنە شىنىقتىرۋمەن جانە سپورتپەن اينالىسۋعا تارتۋ.
مەملەكەت باسشىسى جاس سپورتشىلارعا تابىس تىلەپ, ولارعا ترەناجەر جابدىقتارىن سىيعا تارتتى.