«اقتاۋ پلازا» تۇرعىن ءۇي كەشەنى تۇرعىندارىنىڭ ايتۋىنشا, 25 قىركۇيەكتە, ساعات 19:30 شاماسىندا ءبىرىنشى قاباتتاعى كىسى تولى جەدەلساتى شاحتاعا قۇلاعان, دەپ جازادى Egemen.kz.
ادامدار اپاتتى جەدەلساتىدان شىعۋ ءۇشىن ءبىر-بىرىنە كومەكتەسكەن. زارداپ شەككەندەر جوق.
«كىشكەنتاي بالاسى بار جاس كەلىنشەكتەر بولدى. توتەنشە جاعدايدان ەسەڭگىرەپ قالدى. نە دەگەن باسسىزدىق؟ بۇل ءبىزدىڭ ۇيدە ءبىرىنشى رەت بولىپ تۇرعان جاعداي ەمەس», دەپ شاعىمداندى ءۇي تۇرعىندارى.
ولاردىڭ ايتۋىنشا, قۇرىلىس كومپانياسى مۇنداي پروبلەمادان حاباردار, بىراق ەشقانداي شارا قولدانبايدى.
سونداي-اق, تۇرعىندار اتاپ وتكەندەي, ءۇيدىڭ جارتىسىنا ءبىر جىل بۇرىن ادامدار كوشىپ, كىرىپ العان, بىراق ءالى كۇنگە دەيىن ولاردىڭ ءبىرىنىڭ دە قولىنا پاتەرلەرىنە قاتىستى قۇجات بەرىلمەگەن. ءۇي گازعا ءالى قوسىلماعان.