«جاڭا مىسىر» تۇجىرىمداماسى اياسىندا ەل تۋريستەرگە جاڭا كۋرورتتار ۇسىنادى. بۇل تۋرالى ەلدىڭ تۋريزم جانە ەجەلگى ءمينيسترى حالەد ءال-اناني مالىمدەدى, دەپ حابارلايدى Egemen.kz.
ونىڭ ايتۋىنشا, جاڭا كۋرورتتىق قالالار تۋريستەرگە زاماناۋي جايلىلىق پەن جاڭا تانىمال قوناقۇيلەر ۇسىنادى. سونداي-اق, ەسكى جانە جاڭا كۋرورتتاردىڭ كولىكتىك قولجەتىمدىلىك جۇيەسىن جەتىلدىرۋ جوسپارلانىپ وتىر.
«الداعى بىرنەشە اي ىشىندە ءبىز ەكى جاڭا تۋريستىك قالانى اشۋدى جوسپارلاپ وتىرمىز. ءبىرىنشى كۋرورت كايردەن شامامەن 100 كم قاشىقتىقتا, قىزىل تەڭىزگە جاقىن بولادى. ال-گالاليا دەپ اتالاتىن بۇل جاڭا كۋرورت تۋريستەرگە ءارتۇرلى ياحتاعا ارنالعان جاڭا مارينانى ۇسىنادى. سونداي-اق, بىرنەشە ايدان كەيىن الەكساندريا ماڭىنداعى جەرورتا تەڭىزىنىڭ جاعالاۋىندا جاڭا ال - الامين قالاسى اشىلادى», دەدى مينيستر.
«يزۆەستيا» باسىلىمىنىڭ مالىمەتىنشە, مينيسترلىك وسى تۋريستىك ايماقتار مەن قالالاردى ءارتۇرلى تاسىلمەن: ارزان اۋە جەلىلەرى, ۇشۋ باعدارلامالارى, جىلدام جولدار, تەمىر جولدارمەن بايلانىستىرۋدى جوسپارلاپ وتىر.
«باستى ماقسات - تۋريستەرگە وسى قالالارعا بارىپ, بىرنەشە رەت كەلۋگە مۇمكىندىك بەرۋ», دەدى مينيستر.
سونىمەن بىرگە, ونىڭ ايتۋىنشا, ول مىسىر كۋرورتتارىنداعى ەپيدەميولوگيالىق جاعدايدى «وتە جاقسى» دەپ سانايدى.