الماتىنىڭ باس مەملەكەتتىك سانيتارلىق دارىگەرى جانداربەك بەكشيننىڭ كارانتين شارالارىن جەڭىلدەتۋ تۋرالى جاڭا قاۋلىسى جاريالاندى, دەپ حابارلايدى Egemen.kz.
جاڭا قاۋلىدا سپورت كەشەندەرى, سپورتتىق-ساۋىقتىرۋ مەن فيتنەس, يوگا ورتالىقتارىنىڭ جۇمىسىنا رۇقسات بەرىلدى.
مونشا, ساۋنا, سپا, باسسەين قىزمەتىنە دە رۇقسات. دەمالىس كۇندەرى Ashyq جوباسى بويىنشا جۇمىس ىستەيتىن كاسىپورىندار 00:00-گە دەيىن جۇمىسىن جالعاستىرادى. ال Ashyq كوشباسشىلارى تۇنگى 02:00-گە دەيىن قىزمەت كورسەتە الادى.
قوعامدىق تاماقتانۋ نىساندارى (مەيرامحانالار, اسحانالار جانە باسقالار) جۇمىس ىستەيدى, بىراق كەلۋشىلەر سانى ءبىر ۋاقىتتا 70 ادامنان اسپاۋى كەرەك.
قاۋلى قول قويىلعان كۇننەن باستاپ كۇشىنە ەنەدى.