جارىلىستان كوز جۇمعان ءورت سوندىرۋشىلەردىڭ وتباسىلارىنا ناگرادالار تابىس ەتىلدى

قازاقستان پرەزيدەنتى قاسىم-جومارت توقاەۆ جامبىل وبلىسىندا اسكەري قويماداعى ءورتتى ءسوندىرۋ بارىسىندا قايتىس بولعان قۇتقارۋشىلار مەن اسكەري قىزمەتشىلەردى ماراپاتتادى.

شىمكەنت قالاسىنا جۇمىس ساپارىمەن بارعان توتەنشە جاعدايلار ءمينيسترى يۋري يلين جانە قالا اكىمى مۇرات ايتەنوۆپەن بىرگە جامبىل وبلىسى تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى №1 مامانداندىرىلعان ءورت ءسوندىرۋ ءبولىمىنىڭ ءورت ءسوندىرۋشىسى-قۇتقارۋشىسى تۇرمانوۆ جانىبەك جاسۇزاق ۇلىنىڭ اعاسىنا ءىىى دارەجەلى «ايبىن» وردەنىن تابىس ەتتى.

تۇستەن كەيىن يۋري يلين جامبىل وبلىسىنىڭ تاراز قالاسىنا باردى. توتەنشە جاعدايلار ءمينيسترى مەن وبلىس اكىمى بەردىبەك ساپارباەۆ جامبىل وبلىسى تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ قايتىس بولعان ءورت سوندىرۋشىلەرىنىڭ تۋىستارىنا مەملەكەتتىك ناگرادالاردى تابىستادى.

اسكەري جانە قىزمەتتىك بورىشىن اتقارۋدا كورسەتكەن ەرلىگى مەن جانقيارلىعى ءۇشىن مارقۇم زايكين سەرگەي ۆلاديميروۆيچ جامبىل وبلىسى تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى № 3 ءورت ءسوندىرۋ ءبولىمىنىڭ قاراۋىل باستىعى ءى دارەجەلى «ايبىن» وردەنىمەن, № 4 ءورت ءسوندىرۋ ءبولىمىنىڭ ءورت سوندىرۋشىلەرى-قۇتقارۋشىلارى ادىلبەك ادىلەت قاناتبەك ۇلى مەن كەڭەس ءالىبي بەكسۇلتان ۇلى, № 1 مامانداندىرىلعان ءورت ءسوندىرۋ ءبولىمىنىڭ اۆتوموبيل جۇرگىزۋشىسى-قىزمەتكەرى قۋاتبەك عافان جومارت ۇلى ءىىى دارەجەلى «ايبىن» وردەنىمەن ماراپاتتالدى.

شاراعا قاتىسۋشىلار جارىلىس سالدارىنان قايتىس بولعان ءورت سوندىرۋشىلەردى ءبىر مينۋت ۇنسىزدىكپەن ەسكە الدى. يۋري يلين جامبىل وبلىسىندا بولعان قايعىلى وقيعا سالدارىنان قايتىس بولعان ءورت سوندىرۋشىلەردىڭ تۋعان-تۋىستارىنا كوڭىل ايتتى.

مينيستر ءوز سوزىندە ازاماتتىق قورعاۋ ورگاندارىنىڭ قىزمەتكەرلەرى ولاردىڭ وتباسىلارىنا الداعى ۋاقىتتا دا قولداۋ كورسەتەتىنىن, ال بالالارى توتەنشە جاعدايلار مينيسترلىگىنىڭ مالىك عابدۋللين اتىنداعى ازاماتتىق قورعاۋ اكادەمياسىنا تۇسۋگە نيەت بىلدىرسە, كومەك كورسەتىلەتىنىن اتاپ ءوتتى.