جۋىردا سولتۇستىكقازاقستاندىق پوليتسيا قىزمەتكەرلەرى پەتروپاۆل قالاسىنىڭ اباي كوشەسىندە ەسىرتكى ساتىپ جاتقان جەرىندە 34 جاستاعى بۇرىن م ۇلىكتىك قىلمىسى ءۇشىن سوتتالعان كۇدىكتىنى قۇرىقتادى.
ارينە, بۇل ىسكە دەيىن پوليتسيا قىزمەتكەرلەرى ونىڭ سوڭىنا ءتۇسىپ, جەدەل ءىس-شارالار جۇرگىزگەن. بىراق قىلمىستى قولدان ۇستاۋ ءۇشىن كۇدىكتىنى ۇزاق ۋاقىت اڭدۋعا تۋرا كەلگەن. اقىرىندا پوليتسەيلەر ءۇشىن وپەراتسيا ءساتتى اياقتالىپ, كۇدىكتى 2 كگ گاشيش وتكىزگەلى جاتقان جەرىندە قىلمىس ۇستىندە ۇستالدى.
گاشيش – قاراسورانىڭ جابىسقاق جاپىراقتارىن ۇنتاقتاپ, بريكەتتەلىپ جاسالىنعان ەسىرتكىنىڭ دايىن ءتۇرى. ول قاتتى نەمەسە ۇنتاق تۇرىندە دە بولادى. 2 كگ گاشيشتىڭ قارا بازارداعى باعاسى وتە قىمبات, سوندىقتان مىنا كۇدىكتىنىڭ قىلمىسى قىلمىستىق كودەكستىڭ «ەسىرتكى زاتتارى, ولاردىڭ تەكتەستەرى مەن پرەكۋرسورلارىنىڭ جيىنتىق كەستەسىنە» سايكەس اسا ءىرى كولەمگە جاتادى. اتالعان فاكتى قىلمىستىق كودەكستىڭ 297-بابىنىڭ 3-بولىگى: «ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ» بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. كۇدىكتىگە قاتىستى قاماققا الۋ تۇرىندەگى شارا تاعايىندالدى.
– باپتىڭ سانكتسياسىنا سايكەس كۇدىكتى وسى قىلمىسى ءۇشىن 15 جىلعا دەيىنگى مەرزىمگە باس بوستاندىعىنان ايىرىلۋى مۇمكىن. ەسىرتكىنى وتكىزگەنى ءۇشىن زاڭنامادا قاتاڭ جاۋاپكەرشىلىك كوزدەلگەن. جىل باسىنان بەرى وبلىستا بارلىعى 139 ەسىرتكى قىلمىسى, ونىڭ ىشىندە 35 وتكىزۋ فاكتىسى انىقتالدى. 287 كيلوعا جۋىق ءتۇرلى ەسىرتكى زاتتارى, ونىڭ ىشىندە 4 كگ 130 گر-نان استام سينتەتيكالىق ەسىرتكى تاركىلەندى, – دەيدى سولتۇستىك قازاقستان وبلىستىق پد ەسىرتكى قىلمىسىنا قارسى ءىس-قيمىل باسقارماسى باستىعى, پوليتسيا پولكوۆنيگى جاندوس باسىباەۆ.
سولتۇستىك قازاقستان وبلىسى