ەرعاليەۆ ەكونوميكانىڭ قاي سالاسىندا ءوسىم بار ەكەنىن ايتتى

«بيىلعى قاڭتار-تامىز ايلارىندا ەكونوميكا ءوسۋ كورسەتكىشى 3,0%-دى قۇرادى. وسى ەسەپتى كەزەڭدە نەگىزگى ترەندتەر بويىنشا ناقتى جانە قىزمەت كورسەتۋ سەكتورلارىنداعى ءوسۋدىڭ وڭ ديناميكاسى, ءوندىرۋشى ەمەس سەكتورلارداعى ينۆەستيتسيانىڭ جوعارى ءوسۋى, ساۋدا بالانسىنىڭ وڭ سالدوسىنىڭ ساقتالۋى بايقالۋدا. وسى جىلدىڭ قاڭتار-تامىزىندا ناقتى سەكتورداعى ءوسىم 3,5%-دى قۇرادى», دەدى ەرعاليەۆ.

ول اتاعانداي, قىزمەت كورسەتۋ سالاسىندا ىسكەرلىك بەلسەندىلىك 2,3%-عا دەيىن ءوستى.

«سالالار اراسىندا اقپارات جانە بايلانىس, قۇرىلىس, ساۋدا, سۋمەن جابدىقتاۋ, ەلەكترمەن جابدىقتاۋ, وڭدەۋ ونەركاسىبى جوعارى ءوسىم كورسەتۋدە. سونداي-اق اۋىل شارۋاشىلىعىندا دا وڭ ءوسىم بايقالىپ وتىر. ەكونوميكالىق ءوسۋدىڭ ماڭىزدى فاكتورى ىشكى جانە سىرتقى ينۆەستيتسيالاردى تارتۋ بولىپ وتىر. ونىڭ ىشىندە ءوندىرۋشى ەمەس سالالاردا ينۆەستيتسيا تارتۋ بەلسەندىلىگى بايقالۋدا. وسىعان بايلانىستى ەسەپتى كەزەڭدە تاۋ-كەن ءوندىرۋ ونەركاسىبىن ەسەپكە الماعاندا, نەگىزگى كاپيتالعا ينۆەستيتسيالاردىڭ ءوسۋ قارقىنى 18,0%-دى قۇرادى», دەدى مينيستر.

ەرعاليەۆ سالالار بويىنشا وسىمدەردى جىكتەپ بەردى.

«ينۆەستيتسيا قۇرىلىس سالاسىندا – 2,5 ەسەگە, وڭدەۋ ونەركاسىبىندە – 81,7%-عا, اۋىل شارۋاشىلىعىندا – 43,2%-عا, ساۋدادا – 39,9%-عا, اقپارات جانە بايلانىستا – 37%-عا, جىلجىمايتىن م ۇلىكپەن وپەراتسيالار سالاسىندا –16,2%-عا جانە كولىك سالاسىندا – 9%-عا ءوستى. وڭىرلەر اراسىندا ەڭ جوعارعى كورسەتكىش شىمكەنت قالاسىندا, اقتوبە, سولتۇستىك قازاقستان, تۇركىستان جانە جامبىل وبلىستارىندا بايقالىپ وتىر», دەدى ول.