«تاليبان» قوزعالىسىنىڭ رەسمي وكىلى زابيحۋللا مۋدجاحيد تالىبتەرگە باعىنباي وتىرعان پاندجشەردى تولىقتاي باسىپ العان سوڭ اۋعانستاننىڭ جاڭا ۇكىمەتى جاريالاناتىنىن مالىمدەدى, دەپ جازادى Egemen.kz.
ول كابۋلدا وتكەن ارنايى ءباسپاسوز كونفەرەنتسياسىندا اۋعانستاندا ۋاقىتشا ۇكىمەت قۇرىلاتىنىن, قازىر ولاردىڭ باسشىلارى كىم بولاتىنىن جاريالاۋعا دايىندىق ءجۇرىپ جاتقانىن جەتكىزدى.
«جاڭا ۇكىمەتتىڭ قاي كۇنى قۇرىلاتىنى جانە تولىق مالىمەتتەر جاقىن ارادا حابارلانادى», دەدى مۋدجاحيد.
سونىمەن قاتار ول ۇكىمەت جان-جاقتى بولاتىنىن ايتىپ, وتپەلى كەزەڭدەگى اۋعان حالقىنا ءۇمىت وتىن ۇيالاتتى.
«بۇرىنعى اسكەري شەنەۋنىكتەر جاڭا ۇكىمەتتىڭ قاۋىپسىزدىك ورگاندارىنا شاقىرتىلادى. سونداي-اق كورشى ەلدەرمەن تىعىز بايلانىس ورناتامىز دەگەن ۇمىتتەمىز», دەدى ز. مۋدجاحيد.