G20 دەنساۋلىق ساقتاۋ مينيسترلەرى ريمدە كەزدەستى. بۇل قازان ايىندا يتاليادا وتەتىن «ۇلكەن جيىرمالىق» كوشباسشىلارىنىڭ ءسامميتى الدىنداعى كەزدەسۋلەرىنىڭ ءبىرى, دەپ جازادى Egemen.kz.
كەزدەسۋدىڭ باستى ۇرانى - دەنساۋلىق سالاسىنداعى داعدارىستارمەن كۇرەس جانە «بۇرىنعىسىنان دا جاقسى قوعام قۇرۋ». ەكى كۇنگە سوزىلاتىن كەلىسسوزدەر ءۇش بولىمنەن تۇرادى.
ءبىرىنشى سەسسيادا پاندەميانىڭ 2030 جىلعا دەيىنگى تۇراقتى دامۋ باعدارلاماسىنا اسەرى باعالاندى. ەكىنشى سەسسيادا پروبلەمالاردى شەشۋگە, بولاشاقتاعى پاندەميانىڭ الدىن الۋعا, ولارعا دايىندىققا قاتىستى ناقتى ۇسىنىستار ازىرلەنەدى.
«بۇل كەزدەسۋ كەيبىرەۋلەردى ازداپ الاڭداتادى. سەبەبى اتالعان ماسەلەنىڭ G20 كەزدەسۋىندە قارالۋى - بولاشاقتا تاعى وسىنداي پاندەميا بولۋى مۇمكىن ەكەنىن جوققا شىعارمايتىنىن كورسەتەدى», دەپ جازادى Euronews.
ءۇشىنشى سەسسيادا مينيسترلەر قازىرگى پاندەميامەن كۇرەستە ءتيىمدى مەحانيزمدەردى قاراستىرادى. G20 مۇشەلەرى دامۋ مەن ۆاكتسينانى ەلدەر اراسىندا ءادىل ءبولىسۋدى قولدايدى.