ەلوردادا جاقسىلىق ۇشكەمپىروۆتىڭ ەسكەرتكىشى اشىلادى, دەپ حابارلايدى Egemen.kz.
بىلتىر تامىز ايىندا قازاقتىڭ داڭقتى ۇلى, ماسكەۋ وليمپياداسىنىڭ جەڭىمپازى, الەم چەمپيونى, «قازاقستاننىڭ ەڭبەك ەرى» جاقسىلىق ۇشكەمپىروۆ دۇنيەدەن وتكەن بولاتىن. دارابوز تۇلعانى حالقى ەشقاشان ۇمىتپايدى.
سونىڭ ايعاعىنداي, 8 قىركۇيەكتە نۇر-سۇلتان قالاسىندا جاقسىلىق ءامىرالى ۇلىنا ورناتىلعان ەسكەرتكىشتىڭ اشىلۋ سالتاناتى وتەدى.
بۇل ءىس-شارا ساعات 11.00-دە نۇر-سۇلتان قالاسى, قابانباي باتىر داڭعىلىنداعى جاقسىلىق ۇشكەمپىروۆ اتىنداعى سپورت سارايىنىڭ الدىندا ۇيىمداستىرىلادى.
ماسكەۋ تورىندە اتوي سالعان جاقسىلىق اعا قازاق بالۋاندارىنا, جالپى سپورتشىلارىنا ۇنەمى اعالىق قامقورلىعىن كورسەتەتىن. كاسىپكەر رەتىندە مال شارۋاشىلىعىن دامىتىپ, ءبىر اۋىلعا شاراپاتىن تيگىزىپ, تالاي جاستى جۇمىسپەن قامتىدى. ازىرشە وسى داڭقتى ازاماتتان كەيىن ەشبىر قازاق بالۋانى وليمپيادا التىنىن الا الماي كەلەدى.