پاۆلودار وبلىستىق تج دەپارتامەنتى باسشىسىنىڭ مىندەتىن اتقارۋشى, پودپولكوۆنيك مەيرامبەك باتىرقۇلوۆ جاس قىزدىڭ ومىرىنە اراشا ءتۇسىپ, الايدا ءوزى مەرت بولعان مارات راحىمجانوۆتىڭ وتباسىمەن كەزدەستى, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
پاۆلودار وبلىستىق تج دەپارتامەنتىنىڭ ءباسپاسوز قىزمەتىنىڭ حابارلاۋىنشا, قازا تاپقان ەر ادام 1962 جىلى تۋىلعان.
ەستەرىڭىزدە بولسا, 3 تامىز كۇنى ەرتىس وزەنىنىڭ جىلى اعىمىندا وزەنگە باتىپ بارا جاتقان 11 جاسار قىزدى قۇتقارىپ, الايدا ءوزى سۋعا باتىپ كەتكەن ەر ادام تۋرالى حابارلاعان بولاتىنبىز. ول وزەنگە باتىپ كەتكەن قىزدى جاعاعا لاقتىرىپ ۇلگەرگەن 59 جاستاعى مارات راحىمجانوۆ بولاتىن. مارقۇمنىڭ دەنەسىن جەدەل-قۇتقارۋ جاساعىنىڭ قۇتقارۋشىلارى اراعا ەكى كۇن سالىپ ياعني 5 تامىزدا ساعات15:47-دە پاۆلودار قالاسىنىڭ اۆتوجول كوپىرى ماڭىنان تاپقان بولاتىن.