قازاقستان پرەزيدەنتى قاسىم-جومارت توقاەۆ بەينەبايلانىس ارقىلى شىعىس ەكونوميكالىق فورۋمىنىڭ پلەنارلىق وتىرىسىنا قاتىسىپ وتىر, دەپ جازادى Egemen.kz.
«مەنىڭ ويىمشا, قانشا قيىندىق كورگەن بۇل ەلدەن كەلەتىن قاۋىپ-قاتەر ايقىن. امەريكا اسكەرى كەتكەندە سول جەردە وتە كوپ قارۋ قالدى. ونىڭ قۇنى 85 ميلليارد دوللاردان اسادى. بوسقىنداردىڭ قونىس اۋدارۋ قاۋپى بار», دەدى ول.
مەملەكەت باسشىسى قازاقستاننىڭ وسى ماسەلە بويىنشا رەسەيمەن جانە ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەرمەن ءبىر كوزقاراس ۇستاناتىنىنا قاناعاتتانۋشىلىق ءبىلدىردى.
توقاەۆ سونىمەن قاتار قازاقستان اۋعانستانداعى جاعدايدى, تالىپتەردىڭ ساياساتىن مۇقيات باقىلاپ وتىرعانىن ايتتى.
ء«بىز سوزىنە ەمەس, ىسىنە قاراپ باعالايمىز. وسى ەلدە تۇراقتى بەيبىتشىلىك ورناعانىن قالايمىز», دەدى پرەزيدەنت.