ورتاعا سالىنعان ويلار كوپ

دوڭگەلەك ۇستەلدى اش­قان وب­لىستىق ىشكى ساياسات باس­قار­ما­سىنىڭ باسشىسى كەمەل وسپا­نوۆ بيىلعى جىلدىڭ ەلىمىزدىڭ تاريحىنداعى ايرىقشا جىل ەكە­نىن ايتىپ, ونىڭ تاۋەلسىزدىكتى 30 جىلدىق بەلەسكە شىعارعانىنا نازار اۋدارىپ, وسى جىلدارداعى قول جەتكەن تابىستاردى اتاپ ءوتتى. «وسى جىلداردا قازاقستان ەلباسى ن.نازارباەۆتىڭ باستاۋىمەن مەملەكەتتىك قۇرىلىس­تىڭ قازاقستاندىق ۇلگىسىن بەرىك قالادى. قازاقستان حالقىنىڭ پاتريوتتىق سەزىمدەرى قالاي بە­رىك ورناسا, ەتنوسارالىق جانە كون­فەسسياارالىق قاتىناستار ءوز­ارا قۇرمەت پەن توزىمدىلىككە نەگىزدەلدى. قازاقستان الەمنىڭ سايا­سي كارتاسىندا سەنىمدى, بولجالدى مەملەكەت بولىپ تانىل­دى. پرەزيدەنت ق.توقاەۆ ءوزى­نىڭ «تاۋەلسىزدىك بارىنەن قىم­بات» اتتى ماقالاسىندا ايتىپ وتكەنىندەي «بۇل – قايتا جاڭ­عىرعان قازاق مەملەكەتتىگىنىڭ, اتا-بابالارىمىز اڭساعان ازات­تىقتىڭ تۇعىرى نىعايا تۇسكەنىن ايگىلەيتىن ماڭىزدى بەلەس. تاريح تۇرعىسىنان العاندا, وتىز جىل – كوزدى اشىپ جۇمعانداي قاس-قا­عىم ءسات. دەگەنمەن, بۇل كوپتەگەن حالىقتار ءۇشىن قيىندىعى مەن قۋانىشى, داعدارىسى مەن دامۋى الماسقان تۇتاس ءداۋىر دەۋ­گە بولادى». وسى 30 جىلدا قا­زاقستاننىڭ الەمگە تانىلۋىنا ونىڭ بەيبىتسۇيگىش سىرتقى سايا­ساتىنىڭ اسەرى مول بولدى. قا­زاقستان ءوزىنىڭ اۋماعىندا كسرو-دان قالعان الەمدەگى ءتور­تىنشى ورىنداعى يادرولىق قا­رۋ ارسەنالىنان باس تارتىپ قا­نا قويعان جوق, ونى تاراتپاۋ, ادام­زاتتى قىرىپ-جويعىش قارۋ­لاردى قولدانباۋ باعىتىندا دۇنيە­جۇزىلىك ماڭىزى بار باس­تامالار كوتەردى. ەكونوميكادا نا­رىقتىق قاتىناستار ورنادى. سارىارقانىڭ توسىنە بۇكىل الەمگە تانىلعان جاڭا استانا تۇرعىزىلدى, ەلىمىزدىڭ شەكاراسى شەگەندەلىپ, ەشقانداي مەملەكەتپەن تەرريتوريالىق تالاسى جوق از مەملەكەتتەردىڭ قاتارىنا قوسىلدىق. بۇگىن وسىنداي تابىستارىمىزدى ەسكە الىپ, ولار تۋرالى تولعامدارىمىز­دى ورتاعا سالامىز», دەي كە­لىپ كەمەل وسپانوۆ ءسوزدى بايان­داماشىلار­عا بەردى.

بايانداما جاساعاندار اراسىندا م.قوزىباەۆ اتىنداعى سقۋ پرورەكتورى, تاريح عى­لىم­­دارىنىڭ دوكتورى اق­ما­رال ىبىراەۆا جوعارى ءبىلىم سا­لا­سىنداعى جەتىستىكتەر, №18 مەك­­تەپتىڭ ديرەكتورى ك ۇلىم­كوز ىسمايىلوۆا ءبىلىم بەرۋ سا­­لا­سىنىڭ قول جەتكەن تابىس­تارى, قحا وبلىستىق فيليا­لىنىڭ جانە Urpaq قازاق ما­دەني-اعارتۋ ورتالىعىنىڭ تور­اعاسى گۇلباقشا مۇساباەۆا قازاقس­تاندىق تۋىستىق, توزىمدىلىك ۇل­گىسى, «ازاماتتىق اليانس» اسسو­تسياتسياسىنىڭ» توراعاسى جانات مۇحامەدجانوۆ ازاماتتىق قو­عام ينستيتۋتتارىنىڭ جەتىل­دى­رىلۋ جولدارى جايلى بايانداپ, قاتىسۋشىلارعا تولىمدى اق­پاراتتار بەردى. باسقا بايان­دا­ماشىلاردىڭ دا سوزدەرى تاۋەل­سىزدىكتىڭ جان-جاقتى تابىستارىن قامتىدى.

پىكىرتالاسقا قاتىسقاندار­دىڭ ءبارى ەل تاۋەلسىزدىگىنىڭ 30 جىل­دىعى بيىلعى جىلدىڭ ەڭ ­باستى مەرەكەسى ەكەنىن ءبىراۋىز­دان ايتتى. جيىندا جامان ىن­دەت­تەن ساقتانۋ رەجىمىن بۇزباي تاۋەلسىزدىكتىڭ 30 جىلدىعىن جال­پى حالىق بولىپ اتاپ ءوتۋدىڭ ماڭىزدىلىعى تۋرالى دا ايتىلدى.

پەتروپاۆل