اۋعانستاندا بيلىكتى باسىپ العان تاليبان قوزعالىسى وسى ايدا ەلدەن كوشىرىلگەن ديپلوماتيالىق ميسسيالاردى قايتا اشۋعا شاقىردى, دەپ جازادى Egemen.kz.
ء«بىز كابۋلداعى ەلشىلىگىن ساقتاپ قالعان ەلدەردى سىيلايمىز جانە ديپلوماتيالىق ميسسيالارىن كوشىرگەن مەملەكەتتەردى ولاردى قايتا اشۋعا شاقىرامىز. ولار ءۇشىن ەشقانداي قاۋىپ جوق», دەپ حابارلايدى Tolo News تەلەارناسى تاليبان قوزعالىسى باسشىلارىنىڭ ءبىرى ماۆلاۆي شاحابۋددين دەلاۆارعا سىلتەمە جاساپ.
تاليباندار 15 تامىزدا كابۋلعا كىرىپ, پرەزيدەنت سارايىن باقىلاۋعا الدى. ال 16 تامىزدا اۋعانستانداعى سوعىس اياقتالعانىن جانە شتاتتاعى باسقارۋ فورماسى جاقىن ارادا بەلگىلى بولاتىنىن حابارلادى.
31 تامىزعا قاراعان ءتۇنى پەنتاگون اۋعانستاننان اسكەردى شىعارۋ اياقتالعانىن جانە وسى ەلدەگى 20 جىلدىق ميسسيانىڭ اياقتالعانىن حابارلادى.