«تاليبان» قوزعالىسى اۋعانستان پرەزيدەنتى اشراف گاني مەن ۆيتسە-پرەزيدەنت امرۋل سالەحكە راقىمشىلىق جاساپ, قالاسا ەلگە قايتا ورالۋعا مۇمكىندىك بەردى, دەپ حابارلايدى Egemen.kz.
ريا نوۆوستي تاراتقان حاباردا تالىبتەر ەلدىڭ بىرنەشە لاۋاقىمدى تۇلعالارىنا راقىمشىلىق جاسايتىندارىن مالىمدەگەن.
ء«بىز اشراف گانيدى, امرۋل سالەحتى جانە (پرەزيدەنتتىڭ قاۋىپسىزدىك بويىنشا كەڭەسشىسى) حامدۋللا موحيبانى كەشىرەمىز. ءبىز ءوز تاراپىمىزدان گەنەرالدان باستاپ, قاراپايىم ادامعا دەيىن بارلىعىن كەشىرەمىز», دەپ مالىمدەدى تالىپتەردىڭ كوشباسشىسى حاليل ۋر راحمان حاككاني پاكىستاندىق Geo TV تەلەارناسىندا.
ايتا كەتەيىك, امەريكالىق كونتينگەنتتىڭ ەلدەن شىعارىلۋى اياسىندا تالىپتەر اۋعانستاننىڭ ءىرى قالالارىن باسىپ الىپ, جيىرما جىلعا سوزىلعان سوعىستىڭ اياقتالعانىن مالىمدەدى. جاقىندا ەلدى باسقارۋ فورماسى دا انىقتالاتىن بولادى.
ەلدەن قاشىپ كەتكەن ەكس-پرەزيدەنت اشراف گاني ەكى كۇننەن كەيىن ءباا-دەن ۆيدەوۇندەۋ جولداپ, ەلگە قايتىپ ورالۋعا ۋادە ەتتى. ال اۋعانستان اۋماعىنان بوي تاسالاعان سالەح بولسا, كونستيتۋتسياعا سايكەس ءوزىنىڭ مەملەكەت باسشىسى بولاتىنىن ايتىپ, تالىبتەرگە قارسى تۇرۋعا شاقىردى.