«تاليبان» قوزالىسى اۋعانستاننىڭ دەموكراتيالىق ەل بولمايتىنىن جانە مەمكەلەتتىڭ شاريعات زاڭى بويىنشا ءومىر سۇرەتىنىن مالىمدەدى, دەپ حابارلايدى Egemen.kz.
تالىپتەردىڭ وكىلى ۆاحيدۋللا ءحاشيميدىڭ ايتۋىنشا, ەلدى ارنايى قۇرىلعان كەڭەس باسقاراتىن بولادى. جاڭا بيلىكتىڭ ءدىني كوشباسشىسى رەتىندە تالىپتەردىڭ باسشىسى حايباتۋللا احۋندزادا تاعايىندالماق. سونىمەن قاتار ولار جاڭا قارۋلانعان كۇش جاساقتاماق. وعان بۇرىنعى ۇكىمەت اسكەرىنىڭ ساربازدارى مەن وفيتسەرلەرىنە كىرۋگە ۇسىنىس جاسالىپ وتىر.
«ساربازداردىڭ كوبى اسكەري دايىندىقتى تۇركيا, گەرمانيا مەن انگليادا وتكەن. ولاردىڭ ءوز قىزمەتىنە كىرىسۋ ءۇشىن كەلىسسىز جۇرگىزىپ جاتىرمىز. ارينە, اسكەر قاتارىندا وزگەرىستەر بولادى. رەفورما جۇرگىزەمىز», دەپ مالىمدەدى «تاليبان» قوزعالىسىنىڭ وكىلى ۆاحيدۋللا حاشيمي.