وتباسى كۇنى قارساڭىندا قازاقستاندا «اۋىلىما كىتاپ» اۋىلدىق كىتاپحانالارىنىڭ كىتاپ قورىن تولىقتىرۋ بويىنشا رەسپۋبليكالىق قايىرىمدىلىق اكتسياسى جۇزەگە اسىرىلۋدا, دەپ حابارلايدى Egemen.kz قر اقپارات جانە قوعامدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ.
قازاقستاننىڭ بارلىق وڭىرلەرىنىڭ اۋىلدىق كىتاپحانالارىنا كىتاپتاردى جيناۋ جانە جەتكىزۋ 2021 جىلعى 16 تامىز بەن 20 قىركۇيەك ارالىعىندا جۇرگىزىلەدى. اكتسياعا قاتىسۋعا باستاماشىل توپتار, كوممەرتسيالىق ۇيىمدار جانە بالالاردى وقىتۋ ماسەلەلەرىنە بەي-جاي قارامايتىن بارلىق ادامدار شاقىرىلادى.
قاجەتتى كىتاپتاردىڭ سيپاتتاماسى:
جانرى – قازىرگى زامانعى بالالار جانە جاستار ادەبيەتى;
فورماتى – قاعاز جانە (نەمەسە) ەلەكتروندىق تاسىعىشتاردا;
تىلدەرى - قازاق, ورىس جانە اعىلشىن.
بالالار مەن جاسوسپىرىمدەرگە ارنالعان ۇستەل ويىندارىن دا ۇسىنۋعا بولادى. اكتسيانىڭ ماقساتى - شالعايداعى ەلدى مەكەندەردە تۇراتىن وسكەلەڭ ۇرپاقتىڭ بويىندا وقۋ مادەنيەتىن ىلگەرىلەتۋ جانە اۋىل مەكتەپتەرىنىڭ كىتاپحانا قورىن كەڭەيتۋ ارقىلى جوعارى ازاماتتىق جانە رۋحاني-ادامگەرشىلىك باعدارلاردى قالىپتاستىرۋ.
ەلەكتروندى فورماتتاعى كىتاپتار jakupova@cisc.kz پوشتاسىنا جىبەرۋگە بولادى.