قازاقستاندىق قانداستار اۋعانستاننان ءوز تۋىستارىن شىعارۋعا كومەك سۇرادى, دەپ حابارلايدى Egemen.kz Aibat-قا سىلتەمە جاساپ.
ءبيبىسارا مىرزاشاقۇلوۆا اۋعانستاننان قازاقستانعا 27 جىل بۇرىن كوشىپ كەلگەن. مۇندا ونىڭ وتباسى قانداس مارتەبەسىن الدى. زەينەتكەردىڭ 14 بالاسى بار, قازىر ەكى قىزى اۋعانستاننىڭ مازاري-شاريف قالاسىندا تۇرادى. ونىڭ ايتۋىنشا, قالاداعى جاعداي وتە كۇردەلى, سوندىقتان ءبيبىسارا مىرزاشاقۇلوۆا ءوز بالالارىنىڭ قازاقستانعا ورالۋىن قالايدى.
«كەشەدەن بەرى قىزدارىم كوز جاسىن توگىپ وتىر. ولار بۇل سوعىستا ولەمىز دەيدى. مەنىڭ تۋىستارىم بار, قىزدارىم سوندا تۇرادى. ماعان نە ىستەۋ كەرەك؟ ولار كىشلاكتا تۇردى, ال تالىپتەر ونى باسىپ الدى. وسىدان كەيىن بالالار قالاعا قاشىپ كەتتى, سول جەردە دە سوعىس باستالدى. ەندى ولار قايدا بارارىن بىلمەيدى. ۇيدە ازىق تا جوق دەيدى», دەپ شاعىمدانادى ايەل.
اۋعان جەرىنەن كەلگەن ابدۋساتتار مۋحاممەداليدىڭ تۋىستارى دا قيىن جاعدايعا تاپ بولدى.
«ولاردىڭ قازاقستانعا ورالۋى ءۇشىن كومەك كەرەك. مەنىڭ ول جاقتا بەس اعام بار, اپكەلەرىم دە بار. ولار مۇمكىندىگىنشە وسىندا قونىس اۋدارعىسى كەلەدى. اۋعانستاندا ادامدار قورقىنىشتا ءومىر سۇرەدى. مەنىڭ اعالارىمنىڭ ەكى بالاسى تالىپترگە قارسى قاندى سوعىستا قايتىس بولدى», دەدى ابدۋساتتار مۋحاممەدالي.
قازاقستان بيلىگى قانداستارعا ءوز تۋىستارىن اۋعانستاننان شىعارۋعا كومەكتەسە المايتىندىقتارىن مالىمدەدى, سەبەبى, ولار رەسپۋبليكا ازاماتتارى بولىپ تابىلمايدى.
ەسكە سالساق, بۇعان دەيىن پرەزيدەنتتىڭ ءباسپاسوز حاتشىسى اۋعانستاننان كەلگەن بوسقىندار تۋرالى قاۋەسەتتەرگە تۇسىنىكتەمە بەرگەن بولاتىن.