بىرىككەن اراب امىرلىكتەرىندە وقۋ-جاتتىعۋ جيىنىن وتكىزىپ جاتقان «استانا» كومانداسى قورعاۋشى ەۆگەني گورياچيمەن, ابزال بەيسەبەكوۆپەن جانە جارتىلاي قورعاۋشى مارات شاحمەتوۆپەن كەلىسىم-شارتتى ۇزارتتى. بۇل تۋرالى egemen.kz ءتىلشىسى حابارلادى.
كوماندا تاعى ەكى ويىنشىمەن كەلىسىم-شارتقا وتىردى. ەندى كەلەسى ماۋسىمنان باستاپ قازاقستان ۇلتتىق قۇراماسىنىڭ ويىنشىلارى دميتري شومكو مەن سەرىكجان مۇجىقوۆ «استانا» كلۋبىندا ونەر كورسەتەدى.
مارات شاحمەتوۆ استانالىق كوماندادا وسىمەن التىنشى جىل قاتارىنان وينايتىن بولادى. ول وسى ۋاقىت ىشىندە 137 رەت الاڭعا شىعىپ, 7 گول سوققان. ابزال بەيسەبەكوۆ بولسا, استانالىقتاردىڭ جەيدەسىندە العاش رەت الاڭعا 2009 جىلى شىقتى. سودان كەيىن ەكى جىل باسقا كوماندادا ويناپ, 2012 جىلى قايتىپ كەلدى. «استانا» كلۋبىندا ول 64 ماتچ وتكىزىپ, قورعاۋشى بولسا دا ءبىر گولدىڭ اۆتورى اتاندى. ال ەۆگەني گورياچي وسىمەن ءۇشىنشى جىل قاتارىنان استانالىق كوماندانىڭ قۇرامىندا ويناۋعا كەلىسىمىن بەرىپ وتىر. ول كوماندانىڭ ساپىندا قازاقستان كۋبوگىن جەڭىپ السا, ءبىر رەت پرەمەر-ليگانىڭ كۇمىس جۇلدەسىنە يە بولدى. دميتري شومكوعا كەلسەك, ول «استانا» قۇرامىندا 2011 جىلى 11 ويىن وتكىزگەن بولاتىن. جالپى, قازاقستان چەمپيوناتىندا 121 ماتچ وتكىزىپ, 8 گول سوققان. سەرىكجان مۇجىقوۆ پرەمەر-ليگادا 129 ويىنعا قاتىسىپ, 12 رەت گولدىڭ اۆتورى اتاندى.
قازىر كوماندادا بوسنيا جانە گەرتسوگوۆينا جاستار قۇراماسىندا ويناعان مارين انيچيچ تە سىناقتان وتۋدە.
داستان كەنجالين.
دەرەككوز: «استانا» فۋتبول كلۋبىنىڭ ءباسپاسوز حاتشىسى دميتري نەستەرەنكو.