لوندون وليمپياداسىنىڭ چەمپيونى الەكساندر ۆينوكۋروۆ «استانا» ۆەلوكومانداسىنا ورالعانى تۋرالى پىكىر ءبىلدىردى, دەپ حابارلايدى Egemen.kz.
بۇگىن ۆينوكۋروۆ سپورتتىق كوماندا جەتەكشىسى قىزمەتىنە قايتا ورالاتىنى بەلگىلى بولدى. ۆينوكۋروۆ شاباندوزدار مەن جەكە قۇرامدى, سونداي-اق جوبانىڭ بارلىق سپورتتىق ءىس-شارالارى فۋنكتسياسىن ءوز موينىنا الادى.
ء«بارى جاقسى. جۇمىستى باستايمىز. كوپ ۋاقىت جوعالعانىنا قاراماستان, بولاشاققا ۇمىتپەن جانە وپتيميزممەن قارايمىز», دەدى الەكساندر ۆينوكۋروۆ.
ايتا كەتەيىك, ماۋسىمدا «استانانىڭ» باسقارۋشى ديرەكتورى يانا زەل ۆينوكۋروۆتىڭ كەتەتىنىن مالىمدەگەن بولاتىن. بۇل جاڭالىق سپورت سالاسىندا نارازىلىق تۋدىردى, ال وليمپيادا چەمپيونىنىڭ ءوزى تاڭعالعانىن مويىندادى. ەندى ۆينوكۋروۆ قايتادان ۆەلوكوماندانى باسقارادى. سونداي-اق ۆينوكۋروۆ قازاقستان ۆەلوسپورت فەدەراتسياسىنىڭ ۆيتسە-پرەزيدەنتى.