2021 جىلعى قاڭتار-شىلدە ايلارى ارالىعىندا رەسپۋبليكالىق بيۋدجەتتەن مۇگەدەكتىگى بويىنشا مەملەكەتتىك الەۋمەتتىك جاردەماقى تولەۋگە 180,5 ملرد تەڭگە, اسىراۋشىسىنان ايىرىلۋ جاعدايىنا مەملەكەتتىك الەۋمەتتىك جاردەماقى تولەۋگە 47,8 ملرد تەڭگە ءبولىندى, دەپ حابارلايدى Egemen.kz قر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
قر ەڭبەك جانە حالىقتى ەلۋمەتتىك قورعاۋ مينيسترلىگى 2021 جىلدىڭ شىلدە ايىندا رەسپۋبليكالىق بيۋدجەتتەن مۇگەدەكتىگى بويىنشا مەملەكەتتىك الەۋمەتتىك جاردەماقى تولەۋگە 26,1 ملرد تەڭگە, اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقى تولەۋگە 6,5 ملرد تەڭگە جۇمسالعانىن مالىمدەدى.
2021 جىلعى 1 تامىزداعى جاعدايعا قاراعاندا, مۇگەدەكتىگى بويىنشا مەملەكەتتىك الەۋمەتتىك جاردەماقى الۋشىلاردىڭ سانى 526,1 مىڭ ادامدى, اسىراۋشىسىنان ايىرىلۋ جاعدايى بويىنشا 160,9 مىڭ ادامدى قۇرايدى.
مۇگەدەكتىك جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىكتىڭ توبىنا جانە سەبەبىنە, قايتىس بولعان اسىراۋشىنىڭ اسىراۋىنداعى ادامدار سانىنا, سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭىندا بەلگىلەنەتىن ەڭ تومەن كۇنكورىس دەڭگەيىنىڭ شاماسىنا بايلانىستى بولادى.
2021 جىلعى 1 تامىزداعى جاعداي بويىنشا مۇگەدەك ادامدارعا قاراستىرىلعان مەملەكەتتىك الەۋمەتتىك جاردەماقىنىڭ ورتاشا مولشەرى 49 556 تەڭگەنى, اسىراۋشىدان ايىرىلۋ جاعدايى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى 40 606 تەڭگەنى قۇرادى.