ەلەكتروندى ەڭبەك بيرجاسىندا ماماندىق يەلەرىنەن تالاپ ەتىلەتىن داعدىلاردىڭ تىزبەسى جاسالىپ جاتىر, دەپ حابارلايدى Egemen.kz قازاقپارات تىلشىسىنە سىلتەمە جاساپ.
ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اقمادي سارباسوۆتىڭ ايتۋىنشا, قازاقستاندا مامانداردىڭ بىلىكتىلىگىن انىقتاۋ رەتتەلەتىن جانە رەتتەلمەيتىن قىزمەت تۇرلەرى بويىنشا ءار ءتۇرلى تاسىلدەرمەن جۇزەگە اسىرىلادى.
«مەملەكەتتىك ورگاندار بىلىكتىلىكتى راستايتىن قۇجات بولعان كەزدە عانا جۇزەگە اسىرىلۋى مۇمكىن كاسىپتى نەمەسە قىزمەتتى ايقىندايدى. ال «اتامەكەن» ۇلتتىق كاسىپكەرلەر پالاتاسى رەتتەلمەيتىن كاسىپتەر بويىنشا سەرتيفيكاتتاۋ ورتالىقتارىن اككرەديتتەۋ ارقىلى مامانداردىڭ بىلىكتىلىگىن تەكسەرەدى. جالپى ەلىمىز بويىنشا وسىنداي 38 ورتالىق بار. ونىڭ 28-ءى جۇمىس بەرۋشىلەر بىرلەستىكتەرى جانىنان, 9-ى كاسىپورىندار بازاسىندا, بىرەۋى كوللەدج بازاسىندا قۇرىلعان», دەيدى ءمينيستردىڭ ءبىرىنشى ورىنباسارى.
سونداي-اق ول رەتتەلمەيتىن ماماندىقتار بويىنشا سەرتيفيكاتتاۋ جۇرگىزۋ ءتارتىبى ءالى رەگلامەنتتەلمەي جاتقانىن اتادى.
«داعدىلاردى تانۋ جانە بىلىكتىلىككە سايكەستىكتى باعالاۋ ءۇشىن بىلىكتىلىكتەر جونىندەگى ۇلتتىق ورگان قۇرۋعا مۇمكىندىك بەرەتىن نورماتيۆتىك نەگىز قالاۋ قاجەت. ەلەكتروندىق ەڭبەك بيرجاسىندا ەڭبەك نارىعىندا تالاپ ەتىلەتىن ارنايى (كاسىبي) جانە جالپى (يكەمدى) داعدىلاردىڭ تىزبەسى – داعدىلار بانكى قۇرىلدى. وعان قازىردىڭ وزىندە 8 مىڭ داعدى ەنگىزىلد. ولاردىڭ ىشىندەگى ەڭ تانىمالدارى بويىنشا قىسقا مەرزىمدى وقىتۋ كۋرستارى مەن ونلاين-كۋرستار ازىرلەنۋدە. الداعى ۋاقىتتا داعدىلار بانكى كاسىبي داعدىلار مەن بىلىكتىلىكتەردىڭ سالىستىرمالىلىعىن ارتتىرۋعا مۇمكىندىك بەرەدى. نارىققا قاجەتتى كاسىبي داعدىلار مەن مانساپتى جاقسىراق تاڭداۋ ءۇشىن جۇمىس تۇرلەرى تۋرالى حالىقتىڭ حاباردارلىعىن جاقسارتادى», دەپ تۇيىندەدى ۆيتسە-مينيستر.