قىتايدىڭ سىچۋان پروۆينتسياسىنداعى ساياباقتا «تيتانيك» كەمەسىنىڭ كوشىرمەسى سالىنادى. بۇل تۋرالى Vesti.ru حابارلادى.
«Reuters» اگەنتتىگىنىڭ اقپارى بويىنشا, ايگىلى لاينەردىڭ كوشىرمەسىن سالىپ ءبىتۋ 2016 جىلعا جوسپارلانىپ وتىر. جوباعا شامامەن 165 ملن. دوللار جۇمسالماق.
«دجينلين» كومپانياسىنىڭ نانكيندەگى كەمە شىعاراتىن كاسىپورنى اۆستراليالىق ميللياردەردىڭ تاپسىرىسى بويىنشا «تيتانيكتىڭ» كوشىرمەسىن سوعۋعا ارنالعان جابدىقتاردى جاڭارتۋدى اياقتادى.
ايگىلى كەمەنىڭ كوشىرمەسىن جاساۋ جونىندەگى تاپسىرىس 2012 جىلدىڭ ساۋىرىندە اۆستراليالىق ميللياردەر كليۆ پالمەردەن تۇسكەن بولاتىن. ول وسىلايشا, ءوزىنىڭ بالا كەزىندەگى ارمانىن ورىنداعىسى كەلگەن ەكەن.
پالمەردىڭ ايتۋىنشا, تيتانيك-2-ءنىڭ 2016 جىلعا جوسپارلانعان العاشقى كرۋيزىندە بارلىق جولاۋشىلارعا بەرىلەتىن اس 1912 جىلعى مەنيۋمەن سايما-ساي كەلەدى. ازىرگە كەمە بيلەتتەرى ساتىلىمعا تۇسپەگەن. دەگەنمەن, ۇلىبريتانيا, اقش, قىتاي, وار ەلدەرىنىڭ ازاماتتارى تەڭىز ساياحاتىنا «تيتانيك» كوشىرمەسىندە اتتانۋعا نيەت ءبىلدىرىپ, جارتى ميلليون دوللاردان استام قاراجات ۇسىنىپ وتىرعان كورىنەدى.
ەستەرىڭىزگە سالا كەتسەك, «تيتانيك» 1912 جىلى 14 ءساۋىر كۇنى ايسبەرگپەن بولعان سوقتىعىستان سوڭ سۋعا باتقان ەدى. رەسمي دەرەكتەرگە سۇيەنسەك, بۇل اپات 1514 جولاۋشىنىڭ ءومىرىن اكەتتى. ال 710 ادام امان قالدى. «تيتانيكتىڭ» العاشقى جانە سوڭعى ساياحاتى سودان بەرى كوپتەگەن كوركەم فيلمدەردىڭ نەگىزگى جەلىسىنە اينالدى.
ايدار ورىسباەۆ.
دەرەككوز: Vesti.ru
فوتو: Dailynews.kz